spot_img
ब्रेकिंगAhmadnagar Breaking: गुलाबी थंडी आणि दाट धुके! नगरवर धुक्याची 'चादर', बळीराजा पुन्हा...

Ahmadnagar Breaking: गुलाबी थंडी आणि दाट धुके! नगरवर धुक्याची ‘चादर’, बळीराजा पुन्हा संकटात…

spot_img

अहमदनगर। नगर सहयाद्री-

गुलाबी थंडी आणि दाट धुके!! असे मनमोहक वातावरण नगरकरांनी गुरुवारी अनुभवले. सकाळी दहा वाजेपर्यंत शहरासह सावेडी उपनगरामध्ये धुके होते. गुरुवारी सकाळी संपूर्ण शहरच धुयात हरवले होते. यंदाच्या मोसमातील या अनोख्या संधीचा अबालवृद्धांनी मनमुराद आनंद लुटला. दिल्लीगेट परिसर, लोखंडी पूल, सावेडी, केडगाव उपनगरांत दोन दिवसांपासून धुके दिसत आहे.

गेल्या आठवड़यापासून शहर व परिसरात हवामानात बदल होत आहे. याचा परिणाम म्हणून गुरुवारी पहाटेच्या वेळी धुयाची चादर पसरलेली दिसली. सकाळी सहा ते सात वाजण्याच्या दरम्यान घराबाहेर पडलेल्यांना धुयाची दुलई अनुभवण्याची संधी मिळाली. अनेकांनी मोबाइलमध्ये दृश्य टिपण्याचा प्ऱयत्न केला.

वाहनचालकांना रस्त्यांचा अंदाज येत नसल्याने नगर-मनमाड, नगर-पुणे, नगर-औरंगाबाद, अशा प्रमुख महामार्गांवरील वाहतूक संथगतीने सुरू होती. पंधरा ते वीस फुटांवरील घरे, वाहनेही धुयामुळे दिसत नव्हती. त्यामुळे वाहनांचे दिवे सुरू ठेवण्याशिवाय चालकांसमोर पर्याय नव्हता. पहाटे व्यायाम किंवा फिरायला जाणार्‍या नागरिकांनी धुयाचा आनंद घेतला.

पिकांवर परिणाम

दुष्काळ, अवकाळी पावसामुळे अगोदरच बळीराजा संकटात सापडला आहे. त्यातच सध्या पिकांवर धुक्याची चादर ओढवली आहे. त्यामुळे पुन्हा एकदा धुक्यामुळे पिकांवर मोठा परिणाम होण्याची दाट शक्यता आहे. कांदा, फळ पिकांवर धुक्याचा मोठा परिणाम होत असतो. गुलाबी थंडी आणि दाट धुके असे वातावरण मनमोहक असले तरी शेतकर्‍यांसाठी मात्र हे धुके नुकसानकारक असल्याचे शेतकर्‍यांमधून सांगितले जाते.

आणखी महत्वाच्या बातम्या

आणखी वाचा

महापालिका वॉर्ड रचनेची प्रतीक्षा संपली; तीन वॉर्डात काय आणि कसे झाले बदल पहा

महानगरपालिकेच्या सार्वत्रिक निवडणुकीसाठी अंतिम प्रभाग रचनेला राज्य निवडणूक आयोगाची मान्यता एक हरकत अंशतः मान्य; महानगरपालिकेच्या...

भाजपाचे जेष्‍ठ नेते स्‍व.आ.शिवाजीराव कर्डीले यांना श्रध्‍दांजली अर्पण करण्‍यासाठी सर्वपक्षिय शोकसभेचे आयोजन

अहिल्‍यानगर / नगर सह्याद्री - भाजपाचे जेष्‍ठ नेते स्‍व.आ.शिवाजीराव कर्डीले यांना श्रध्‍दांजली अर्पण करण्‍यासाठी सर्वपक्षिय...

राखेतून फिनिक्ससारखी भरारी — माजी सैनिक नवनाथ खामकर यांचा संकल्प एस. मार्ट पुन्हा उभा

  श्रीगोंदा / नगर सह्याद्री - राखेतून पुन्हा जन्म घेणाऱ्या फिनिक्स पक्षासारखी किमया श्रीगोंद्यात पाहायला मिळाली...

स्थानिक स्वराज्य संस्थांनच्या निवडणुका संभाजी ब्रिगेड ताकदीने लढवणार – इंजी. शामभाऊ जरे

श्रीगोंदा / नगर सह्याद्री दिवाळीनंतर होणाऱ्या नगरपरिषद, जिल्हा परिषद व पंचायत समितीच्या निवडणुकांसाठी संभाजी ब्रिगेड...