Business Plan : नोकरीसोबतच सुरु करा ‘हे’ व्यवसाय, कमी पैसे गुंतवून मोठी कमाई
नगर सह्याद्री टीम : नोकरीसह एखादा व्यवसाय सुरु करा. यामुळे तुमचे साईड इन्कम वाढेल. या कमाईचा तुम्हाला खूप उपयोग होऊ शकतो. तुम्ही तुमच्या नोकरीवर गदा आली तरी इतरांप्रमाणे अडचणीत येणार नाहीत. तुम्ही घरबसल्या करू शकता असे काम शोधा. अतिरिक्त उत्पन्नाचा हा एक उत्तम स्रोत असू शकतो.
भविष्य सुरक्षित होईल
नोकरी करून काही अतिरिक्त पैसे मिळवता येतील अशा अनेक गोष्टी आहेत. जर तुम्हीही असा विचार करत असाल तर आम्ही तुमच्याशी अशाच काही कल्पना शेअर करू. येथे आम्ही तुम्हाला अशाच काही व्यवसायांची माहिती देणार आहोत, जे अगदी कमी पैशात सुरू केले जाऊ शकतात. पण कमाई चांगली होऊ शकते.
खडू व्यवसाय
खडू बनवणे हा असाच एक व्यवसाय आहे. अगदी कमी पैशात याची सुरुवात करता येते. घरबसल्या हा व्यवसाय सुरू करून तुम्ही सहज पैसे कमवू शकता. सर्व शाळा, महाविद्यालये, अंगणवाड्यांमध्ये खडू आवश्यक आहे. सर्वात महत्वाची गोष्ट म्हणजे खडू तयार करण्यासाठी खूप कमी साहित्य आवश्यक आहे आणि म्हणून तुम्ही हे काम 10,000 रुपयांमध्ये सुरू करू शकता. तुम्ही अनेक रंगांचे खडू बनवू शकता. प्लॅस्टर ऑफ पॅरिसपासून खडू तयार केला जातो, जो पांढरा पावडर आहे.
बिंदी बनवून कमवा
खडूप्रमाणे बिंदीचा व्यवसायही घरबसल्या कमी पैशात सुरू करता येतो. या व्यवसायाची सर्वात महत्वाची गोष्ट म्हणजे तुमची मागणी नेहमीच कायम राहील. खरे तर विवाहित महिलांसोबतच आता मुलींनीही बिंदीचा ट्रेंड वापरण्यास सुरुवात केली आहे. परदेशातही महिला बिंदी घालत आहेत. त्यामुळे बिंदीची मागणी वाढली आहे.
घरीच लिफाफे बनवा
साइड बिझनेससाठी लिफाफे बनवणे हे सोपे काम आहे. हा देखील एक अतिशय स्वस्त व्यवसाय आहे. तुम्ही ते कागद किंवा कार्डबोर्डवरून बनवू शकता. पॅकिंगसाठी वापरलेले लिफाफे, लग्नासाठी लिफाफे आणि दुकानात वापरले जाणारे लिफाफे बनवा आणि तीन प्रकारच्या पर्यायांमधून पैसे कमवा. हा व्यवसाय फक्त 20000 रुपयांमध्ये सुरू करता येतो. तुम्हाला फक्त एका मशीनची गरज आहे, ज्याचा वापर लिफाफे तयार करण्यासाठी केला जाईल.
मेणबत्ती व्यवसाय
हा व्यवसाय खूप बदलला आहे. पूर्वी लाईट गेल्यावर मेणबत्ती वापरली जायची. पण आता त्याचा वापर घरातील सजावटीसाठी आणि सण-उत्सवांवर रोषणाई करण्यासाठी केला जातो. वाढदिवस, घरे आणि हॉटेलमध्येही त्यांचा वापर केला जातो. या सर्व ठिकाणी वापरामुळे मेणबत्त्यांची मागणी वाढली आहे. कमाल 20,000 रुपयांपासून सुरू होणारा, हा व्यवसाय ऑनलाइन आणि ऑफलाइन दोन्ही प्रकारे विक्री करता येतो. हा उत्तम कमाईचा व्यवसाय होऊ शकतो.
