अहमदनगर। नगर सहयाद्री
नगरमध्ये एक धक्कादायक प्रकार घडल्याची बातमी समोर अली आहे. भर रस्त्यात तरुणावर सपासप वार केल्याच्या घटनेने एकच खळबळ उडाली आहे. रोहन अंबादास देविकर (रा. देऊळगाव सिध्दी) असे जखमी तरुणाचे नाव आहे. याप्रकरणी महादेव सूर्यभान आळकुटे (रा. देऊळगाव सिध्दी) यांच्या विरोधात गुन्हा दाखल करण्यात आला आहे.
फिर्यादीनुसार: रात्री साडे आठच्या सुमारास देविकर हे सुरु असलेले भांडण सोडविण्यासाठी मध्यस्थी करत होते. त्यावेळी आळकुटे म्हणाले ‘भांडण सोडविण्यासाठी तुझे मध्ये यायचे काय कारण, आमचे आम्ही पाहून घेऊ’ तसेच शिवीगाळ करत चाकूने देवीकर यांच्यावर जीवघेणा हल्ला केला.
देवीकर गंभीर जखमी झाले असून त्यांच्यावर रुग्णालयात उपचार सुरू आहेत. त्यांच्या फिर्यादीवरून महादेव आळकुटे विरोधात खुनाचा गुन्हा दाखल करण्यात आला आहे. घटनेची माहिती मिळताच पोलिसांनी घटनास्थळी धाव घेत महादेव आळकुटे याला अटक केली आहे.
