Bus Accident News: मुंबई-पुणे महामार्गावर भीषण अपघाताची घटना घडली आहे. आषाढी एकादशीनिमित्त पंढरपूरला निघालेल्या वारकऱ्यांच्या बसचा पनवेलजवळ अपघात झाला. बससमोर अचानक ट्रॅक्टर आल्याने चालकाचे गाडीवरील नियंत्रण सुटल्यामुळे क्षणातच बस ट्रॅक्टरला धडकून २० फूट खोल दरीत कोसळली. या अपघात पाच जणांचा मृत्यू झाला आहे तर पाच जणांची प्रकृती गंभीर आहे. सोमवारी मध्यरात्री एकच्या दरम्यान ही घटना घडली आहे.
डोंबिवलीकडून पंढरपूरला एका खासगी बसमधून 54 जण आषाढी एकादशीनिमित्त पंढरपूरला निघाले होते. सोमवारी रात्री एक वाजण्याच्या सुमारास मुंबई-पुणे एक्स्प्रेस महामार्गावर अचानक बससमोर एक ट्रॅक्टर आला. त्यामुळे बसचालकाचे गाडीवरील नियंत्रण सुटले. काही क्षणातच बस ट्रॅक्टरला धडकून २० फूट खोल दरीत जाऊन कोसळली. अपघात इतका भीषण होता, की दोन्ही वाहनांचा अक्षरश: चक्काचूर झाला असून ५ प्रवासी जागीच ठार झाले. तर ४२ प्रवासी जखमी झाले आहे.
मृतांचा आकडा वाढण्याची शक्यता आहे. अपघातानंतर मुंबई-पुणे एक्स्प्रेस वेवर पुण्याच्या दिशेने जाणाऱ्या वाहनांच्या लांबच लांब रांगा लागल्या होत्या. पोलिसांनी तातडीने घटनास्थळी धाव घेत बचावकार्य केले.अपघातातील मृतांची नावे अद्याप समोर आलेली नाही. मात्र, बसमधील प्रवासी डोंबिवली येथील रहिवासी असल्याचे सामोरे आले आहे.
