लोणावळा। नगर सहयाद्री-
आगामी लोकसभा निवडणुकीच्या पार्श्वभूमीवर जोरदार तयारी सुरु आहे. एकीकडे बैठकीत जागा वाटपाचा तिढा सुटता सुटेना तर दुसरीकडे पदाधिकारी अजित पवार यांना धक्का देण्याच्या तयारीत आहे. १३७ जण आज एकाचवेळी शरद पवार यांच्या गटात प्रवेश करणार आहे.
आज लोणावळ्यात राष्ट्रवादी काँग्रेस शरदचंद्र पवार पक्षाकडून शरद पवार यांचं जोरदार स्वागत करण्यात आलं. जेसीबीमधून फुलांची उधळण करण्यात आली. सोबत प्रतिभा पवारही होत्या. क्रेनवर मोठा हार लावण्यात आला होता.
तुतारी वाजवत ढोल-ताशाच्या गजरात लोणावळ्यात आज शरद पवार याचं स्वागत करण्यात आलं असून त्यांच्या उपस्थितीमध्ये अजित पवार गटातील १३७ जण प्रवेश करणार आहे.
आमच्या पक्षाचे मालक शरद पवारच आहेत. हे दाखवण्यासाठी लोणावळ्यात ‘वेळ पण तीच, मालक पण तोच’ असे बॅनर झळकत आहे.
