अहमदनगर । नगर सहयाद्री
नगर शहरातील कॅफेंवर नगर शहर पोलीस उपअधीक्षक अमोल भारती यांच्या पथकाने छापेमारी केली. कॉलेजच्या तरुण-तरुणींना अश्लिल चाळे करण्यासाठी जागा उपलब्ध करून देणाऱ्या कॅफेंचालकांविरोधात तोफखाना पोलीस ठाण्यात गुन्हा दाखल करण्यात आला आहे. शनिवारी (दि. १७) सायंकाळी सदरची कारवाई करण्यात आली.
कॅफेवर पथकाने छापा टाकला असता तरुण-तरुणी अश्लिल चाळे करताना मिळून आले. त्यांना तोंडी समज देऊन सोडण्यात आले. कॅफेचा मालक अबिनाश विलास ताठे (रा. पंपीग स्टेशन रस्ता, साबोडी) विरोधात गुन्हा दाखल करण्यात आला आहे.
तसेच पथकाने पाइपलाइन रस्त्यावरील लव्हबर्ड्स कॅफेंवर देखील छापा टाकला टाकला असता तेथे तरुण-तरुणी अश्लिल चाळे करताना मिळून आले. त्यांना तोंडी समज देऊन सोडण्यात आले असून कॅफे चालक ऋषिकेश सखाराम निर्मळ (रा. झोपडी कॅन्टीन, सावेडी) विरोधात गुन्हा दाखल करण्यात आला आहे.
