पुणे। नगर सहयाद्री-
कोणी कुठे जावे हा त्यांचा प्रश्न आहे. भाजपकडे मात्र स्वतःचे नेते शिल्लक राहिलेले नाहीत. फडणवीसांनी एक एक करून त्यांचे सर्व नेते संपवले आहेत. त्यामुळे भाजपला नेते आयात करावे लागत आहेत. ठिगळ्या ठिगळ्यांची गोधडी म्हणजेच भाजप..! असा खोचक टोला ठाकरे गटाच्या उपनेत्या सुषमा अंधारे यांनी लगावला आहे.
सुषमा अंधारे नेमकं म्हणाल्या काय?
उद्धव ठाकरे यांची जागा कोणीच घेऊ शकत नाही, उद्धव ठाकरे यांना भेटण्यासाठी मोदी-शाह मुंबईत येत होते. आता यांना दिल्लीला जावे लागत आहे,आम्ही ओरिजिनल शिवसेना आहोत, लोकसभा जागाहून कुवत ठरवावी का? फुटीरतावादी शिवसेनेला जास्त जागा मिळणार नाही.
तसेच पवारसाहेब कुठेही उभे राहिले तरी निवडूनच येणार आहे. त्यांचा विजय सदासर्वकाळ आहे. महाविकास आघाडीतील ते ज्येष्ठ नेते आहेत. पवारांनी पुण्यातून लढण्याला काहीच हरकत नाही. परंतु, हे सर्वथा तेच ठरवलीत. कारण ते ज्येष्ठ नेते आहेत, त्यांना सुचवावे तेवढे आम्ही मोठे नाही.
