नवी दिल्ली / वृत्तसंस्था –
राजधानी दिल्लीत हिवाळ्यात वाढते प्रदूषण पाहता १४ ऑक्टोबर २०२४ ते १ जानेवारी २०२५ पर्यंत फटाक्यांवर बंदी घालण्यात आली आहे. फटाक्यांची निर्मिती, साठवणूक, विक्री आणि वापरावर बंदी घालण्यात आली आहे. दिल्ली सरकारने बंदीबाबत सूचना जारी केल्या आहेत. याशिवाय दिल्लीतील सर्व जनतेकडूनही सहकार्याची विनंती करण्यात आली आहे.
वायू प्रदूषणाचा सामना करण्यासाठी दिल्ली सरकारने ९ सप्टेंबर रोजी फटाक्यांच्या उत्पादन, साठवणूक, विक्री आणि वापरावर १ जानेवारीपर्यंत बंदी घातली होती. पर्यावरण मंत्री गोपाल राय यांनी याबाबत सूचना दिल्या होत्या. गतवर्षीप्रमाणे यंदाही सरकारने दिल्लीत फटाक्यांच्या उत्पादन, साठवणूक, विक्री आणि वापरावर बंदी घातली आहे. 1 जानेवारी 2025 पर्यंत फटाक्यांची ऑनलाइन विक्री आणि वितरणावरही बंदी असेल.
या बंदीची कडक अंमलबजावणी करण्यासाठी दिल्ली पोलीस, डीपीसीसी आणि महसूल विभाग यांच्या सहकार्याने कृती आराखडा तयार केला जाईल, असे पर्यावरण मंत्री गोपाल राय यांनी सांगितले होते. प्रदूषण नियंत्रित करण्यासाठी सरकार २१ फोकस पॉइंट्सवर आधारित हिवाळी कृती आराखडा तयार करत आहे.
