अहिल्यानगर । नगर सहयाद्री:-
जिल्ह्यातील श्रीरामपूर तालुक्यातील एका प्रतिष्ठित व्यापाऱ्याची १ कोटी २४ लाख ७७३९० रुपयांची फसवणूक झाल्याचा धक्कादायक प्रकार समोर आला आहे. याप्रकरणी श्रीरामपूर पोलीस ठाण्यात गुन्हा दाखल करण्यात आला आहे.
व्यापारी राजेश रुपचंद कासलीवाल ( रा. श्रीरामपूर, जि. अहिल्यानगर ) यांनी फिर्याद दिली आहे. त्यानुसार चेअरमन साजन सदाशिव पाचपुते ( रा. श्रीगोंदा जि.अहिल्यानगर ) व साजन शुगर प्र. ली. काष्टी श्रीगोंदा संचालक मंडळ यांच्या विरुद्ध गुन्हा दाखल करण्यात आला आहे.
व्यापारी राजेश कासलीवाल जिल्हयात व राज्यात साखर कारखान्यांना मालपुरवीणे खरेदी-विक्रीचे व्यवसाय करतात.साखर खरेदीचा करार करून ९३ लाख रुपये घेवून साखर न देता फसवणुक करून करार भंग केला.
पैसे परत मागीतले असता ३४ लाख ६२ हजाराचा भिमालयनगर,पुणे येथील फ्लॅट नावे केला. राहीलेली रक्कम ५८ लाख ३८ हजार व करारात ठरल्या प्रमाणे ६६ लाख ३९ हजार ३९० अशी एकूण १ कोटीची फसवणूक केल्याचे फिर्यादीत म्हटले आहे .
