पुणे। नगर सह्याद्री
नगर कल्याण महामार्गावर भीषण अपघात होऊन आठ जण जागीच मृत्युमुखी पडल्याची प्राथमिक माहिती समोर आली आहे. हा अपघात रविवारी रात्री ११ वाजण्याच्या सुमारास घडला आहे. मृतांमध्ये दोन मुले, एक महिला आणि पाच पुरुषांचा समावेश आहे.
रविवारी रात्री जुन्नर तालुक्यातील डिंगोरे गावा जवळील अंजीराची बाग येथे ओतूर वरुन कल्याणच्या दिशेने जाणाऱ्या पिकअपने रिक्षा आणि ट्रकला जोरदार धडक दिली. यात पिकअप आणि रिक्षामधील आठ जणांचा जागीच मृत्यू झाला.
या अपघात पाच पुरुष, एक महिला आणि दोन लहान मुलांचा समावेश आहे. गणेश मस्करे ( वय ३०), कोमल मस्करे ( वय २५ वर्ष ) हर्षद मस्करे (वय ४ वर्ष) काव्या मस्करे (वय ६ वर्ष) अशी मृतांची नावे आहेत. अन्य मृतांची नवे अद्याप समोर आली नसून पोलिसांनी घटनास्थळी धाव घेत पुढील कारवाई करण्याचे काम सुरू केले आहे.
पुणे-नाशिक महामार्गावर भीषण अपघात; चार ठार
पुणे-नाशिक महामार्गावर चंदनापुरी शिवारात 8.30 वाजेच्या सुमारास टेम्पो कारवर कोसळल्याने चौघांचा मृत्यू झाला आहे.अतिशय भयंकर पद्धतीने घडलेल्या या घटनेत धावता आयशर टेम्पो बाजूने चाललेल्या कारच्या वर कोसळल्याने कारमधील चौघांचा मृत्यू झाला आहे.
मयतांमध्ये दोन पुरुष, एक महिला व 2 वर्षाच्या लहान बाळाचा समावेश आहे.सुनिल दिनकर धारणकर (वय 65, रा. सुभाष रोड, अकोले), आशा धारणकर (वय 42), ओजस्वी धारणकर (वय 2 वर्ष), अभय विसाळ (रा. अकोले) अशी मयतांची नावे आहेत.
