अहमदनगर। नगर सह्याद्री-
नगर जिल्ह्यात अनेक काळ्या कृत्याचा घटना घडत आहे. अन्याय करणारे व त्यांना मदत करणाऱ्यांची यापुढे गय केली जाणार नाही असा इशारा हिंदुत्ववादी नेते पैलवान आमदार महेश लांडगे यांनी दिला.
सोनई येथे एका प्रार्थनास्थळी पास्टर ने केलेल्या काळ्या कृत्याचा निषेध, मुस्लिम वक्फ बोर्ड रद्द झाला पाहिजे, धर्मांतरबंदी कायदा लागू झाला पाहिजे, धर्मातरासाठी बाहेर देशातून येणारी फंडिंगवरती बंदी घालावी या मागण्यांसाठी नेवासा शहरात हिंदू जन आक्रोश मोर्चाची शनिवारी सायंकाळी सभा आयोजित करण्यात आली होती. यावेळी ते बोलत होते.
आमदार लांडगे म्हणाले, अन्याय झाल्यावर एकत्र येण्यापेक्षा कायमस्वरूपी हिंदूंनी एकत्र या, आम्ही न्याय मागतो म्हणजे जातीय तेढ निर्माण करतो असे नाही. कोणत्याही नेत्याने नराधमांना फाशी द्या अशी मागणी केली नाही याचे दुःख वाटते. असा प्रकारच्या घटनांचे परिणाम आपल्या भावी पिढ्यांवर होतात याची हिंदूंनी काळजी घ्यावी. जाती पातीत विभागून न जाता हिंदू म्हणून जगा. आमची जात आणि धर्म फक्त हिंदूच असे ते यावेळी म्हणाले.
