पुणे / नगर सह्याद्री : लोकसभा निवडणुकीची रणधुमाळी लवकरच सुरु होईल. कोण कुठे कोणता उमेदवार उभा राहील याबाबत सध्या सर्वत्र चर्चा सुरु आहे. तर्क वितर्क लावले जात आहेत. सध्या चर्चा सूर आहे ती म्हणजे बारामतीची. कारण तेथे पवार विरोधात पवार अशी लढत होईल असे म्हटले जात आहे.
राष्ट्रवादीतील शरद पवार गटातील उमेदवार सुप्रिया सुळे पुन्हा लढणार आहे. तसेच महायुतीकडून अजित पवार गटास ही जागा मिळणार आहे. महायुतीकडून अजित पवार गटाकडून कोण असणार? हे निश्चित झाल्याचे संकेत मिळत आहे. बारामतीमधून अजित पवार यांच्या पत्नी सुनेत्रा पवार यांची उमेदवारी जवळपास निश्चित झाली आहे.
प्रचाराचा रथ तयार, कार्याची माहिती
बारामती लोकसभा मतदार संघात सुनेत्रा अजित पवार यांची उमेदवारी जवळपास निश्चित झाल्याचे संकेत मिळत आहे. बारामतीमध्ये केवळ अधिकृत घोषणा बाकी आहे. बारामती परिसरात सुनेत्रा पवार यांच्या माहिती व कार्याचा आढावा घेणारा प्रचार रथ लागला फिरू लागला आहे. त्यासाठी गाडीवर फ्लॅक्स लावले आहे. त्यात सुनेत्रा पवार यांचा मोठा फोटो घेतला आहे. तसेच अजित पवार यांचाही फोटो आहे.
सुनेत्रा पवारही सक्रिय
सुनेत्रा पवार सक्रीय झाल्या असून त्यांनी राहुल कुल यांच्या घरी सदिच्छा भेट देत चर्चा केली. राहुल कुल हे भाजपचे आमदार तर कांचन कुल 2019 साली भाजपच्या उमेदवार होत्या. दौंड तालुक्यातील राहू येथे सुनेत्रा पवार यांनी कुल कुटुंबियांची भेट घेतली.
