अहमदनगर / नगर सह्याद्री : हद्दपार असणारा आरोपी शहरात खुलेआम फिरताना आढळून आला. आकाश उर्फ अक्षय जिजाराम साबळे (रा.रामवाडी,अमहदनगर) असे आरोपीचे नाव आहे.
पोलीस कॉन्स्टेबल सुरज दिलीप कदम (वय-३१) यांनी याबाबत फिर्याद दिली आहे. त्याच्याविरोधात कोतवाली पोलीस ठाण्यात गुन्हा दाखल करण्यात आला आहे. आकाश उर्फ अक्षय जिजाराम साबळे यावर हद्दपारीची कारवाई करण्यात आलेली आहे.
असे असतानाही तो समता कॉलेनी, विनायकनगर, बुरुडगाव येथे ८ फेब्रुवारी रोजी सायंकाळी खुलेआम फिरताना आढळून आला. पोलीस अधीक्षकांची पूर्व परवानगी न घेता कार्यक्षेत्रात आढळून आल्याने त्याच्यावर भादवि कलम 188 साह महा, पोलीस अधि. 1951 चे कलम 142 प्रमाणे फिर्याद दाखल केली आहे.
