अहमदनगर। नगर सहयाद्री-
नगर तालुक्यातील निंबळक बायपास रस्त्यावर सोमवार (दि.७) रोजी दोन वेगवेगळ्या प्रकारच्या अपघाताच्या घटना घडल्या आहे. अपघातामध्ये दोन जणांचा मृत्यू झाला असून दोघांचीही ओळख पटली नसल्याचे समजत आहे.
राष्ट्रीय महामार्ग असलेल्या निंबळक बायपास रस्त्यावर दररोज अपघाताच्या घटना घडत आहे. काल सोमवारी रात्री पहिला अपघात निंबळक बायपास चौकात घडला. या अपघातात एकाचा मृत्यू झाला आहे.
दुसरा अपघात रस्त्यावर असणाऱ्या छत्रपती संभाजी महाराज चौक (माळवाडी सर्कल) या ठिकाणी घडला. दुसऱ्या अपघातामध्ये देखील एका जणाचा जागीच मृत्यू झाला असून अध्याप दोघांचीही ओळख पटली नसून पुढील तपास पोलीस करत आहे.
