spot_img
ब्रेकिंगशेतकरी संघटना आक्रमक! लिलाव बंद, पुन्हा आंदोलन

शेतकरी संघटना आक्रमक! लिलाव बंद, पुन्हा आंदोलन

spot_img

नाशिक। नगर सहयाद्री-
कांदा निर्यातबंदी विरोधात राज्यातील शेतकरी संघटनांनी सोमवार पासून (दि. ८) असहकार आंदोलन पुकारले आहे. बाजार समित्यांनी लिलाव बंद ठेवून आंदोलनास सहकार्य करण्याचे पत्र देण्यात आल्याने बाजार समित्यांमधील आवक मंदावण्याची शयता आहे.

केंद्राने ७ डिसेंबरला कांदा निर्यातबंदी लागू केली. महिनाभरात कांद्याचे दर क्विंटलमागे दोन ते अडीच हजार रुपयांनी घसरले. निर्यातबंदीच्या निषेधासाठी शेतकरी रस्त्यावर उतरले. त्याकडे केंद्र शासनाने पूर्णत: दुर्लक्ष केले. सद्यःस्थितीत लाल कांद्याची पाचशे ते दोन हजार रुपये क्विंटल दराने विक्री होत आहे. निर्यातबंदी उठवण्यासाठी राज्यातील शेतकरी संघटनांनी एकत्रित असहकार आंदोलनाची हाक दिली आहे. या आंदोलनात रघुनाथदादा पाटील व विठ्ठलराजे पवार यांच्या दोन स्वतंत्र शेतकरी संघटना, रयत क्रांती शेतकरी संघटना, शेतकरी संघर्ष संघटना, स्वाभिमानी शेतकरी संघटना, प्रहार व छावा यांसारख्या संघटनांचा सहभाग आहे.

कांद्यासह सोयाबीन, कापूस, मका या पिकांविषयी केंद्र सरकारच्या धोरणांचा या वेळी निषेध करण्यात येणार आहे. बाजार समित्यांच्या व्यापार्‍यांनी या आंदोलनापासून अलिप्त धोरण स्वीकारले आहे. बाजार समितीत कृषिमाल आला तर आम्ही लिलाव करू शकतो. मालाची आवक न झाल्यास आम्ही लिलाव कसे करणार, असे सांगत त्यांनी शेतकरी संघटनांच्या आंदोलनातून स्वत:ची सुटका करून घेतली आहे.

शेतकरी संघटनांनी पुकारलेले असहकार आंदोलन हे शेतकर्‍यांसाठी आहे. त्यांनी पाठिंबा दिला, तर आंदोलन यशस्वी होईल. आठ दिवस भाजीपाल्यासह कांदा, सोयाबीन बाजार समितीत विक्रीसाठी आणू नये. शेतमाल बंद झाल्यास सरकारला शेतकर्‍यांचा विचार करावा लागेल. त्यामुळे शेतकर्‍यांनी पुढील दोन दिवस आपला माल विक्रीसाठी आणू नये, असे आवाहन शेतकरी संघर्ष संघटनेचे कार्याध्यक्ष नाना बच्छाव यांनी केले आहे.

आणखी महत्वाच्या बातम्या

आणखी वाचा

आमदार जगताप यांचे नगरकरांना गिफ्ट! ‘या’ रस्त्यासाठी १५० कोटी मंजूर

अहमदनगर। नगर सहयाद्री- नगर महापालिकेने डीपी रस्त्यांच्या विकास कामांसाठी पाठवलेल्या ३०८ कोटी रुपयांच्या प्रस्तावातील कामांना...

‘मार्केटींग फेडरेशन अजित पवार गटाकडे’

श्रीगोंदा | नगर सह्याद्री राज्यातील महत्वपूर्ण समजल्या जाणार्‍या महाराष्ट्र स्टेट मार्केटिंग को-ऑपरेटिव्ह फेडरेशन या संस्थेच्या...

हिंद सेवा मंडळ विश्वस्थांविरोधात गुन्हा नोंदवा! पत्रकार परिषदेत ‘मोठा’ आरोप, नेमकं प्रकरण काय?

अहमदनगर | नगर सह्याद्री हिंद सेवा मंडळाच्या ताब्यातील ३ एकर २९ गुंठे नगर मनमाड रोड...

आरोग्य केंद्रात स्टिंग ऑपरेशन! रुग्णांची हेळसांड समोर? आक्रमक ग्रामस्थांनी दिला ‘मोठा’ इशारा

पारनेर। नगर सहयाद्री पारनेर तालुक्यातील खडकवाडी येथील प्राथमिक आरोग्य केंद्रात गोरगरिबांना आरोग्य सेवा मिळावी या...