मुंबई । नगर सहयाद्री
लोकप्रिय टेलिव्हिजन अभिनेत्री श्वेता तिवारी तिच्या वैयक्तिक आयुष्यामुळे नेहमीच चर्चेत असते. आपल्या दमदार अभिनयाने चाहत्यांचं मनोरंजन करणाऱ्या श्वेताच्या वैयक्तिक आयुष्यात खूप चढ-उतार आले. श्वेताने 2 लग्नं केली, पण दोन्ही वेळा तिचा घटस्फोट झाला. तिचं पहिलं लग्न 1998 मध्ये झालं होतं आणि 8 वर्षांनी तिने घटस्फोट घेतला होता. पण या घटस्फोटासाठी तिला मोठी किंमत मोजावी लागली होती.
घटस्फोटात सेटलमेंट करताना श्वेताने तिचा सुमारे 93 लाख किंमत असलेला मुंबईतील एक फ्लॅट पहिला पती राजा चौधरीला दिला होता. कारण फ्लॅटच्या बदल्यात तो घटस्फोट द्यायलाही तयार होता. राजाच्या या मागणीने श्वेताला मोठा धक्का बसला होता. सेटलमेंटनुसार, राजाला त्याच्या मुलीला हवं तेव्हा भेटता येणार नव्हतं. पण पलकला जेव्हा तिच्या वडिलांना भेटायचं असेल तेव्हा ती भेटू शकत होती. अशा रितीने श्वेता आपला पहिलं नातं संपवलं.
घटस्फोटानंतर श्वेता पुन्हा प्रेमात पडली. तिने 2013 मध्ये अभिनेता अभिनव कोहलीशी लग्न केलं. 2016 मध्ये या जोडप्याने मुलगा रेयांशचं स्वागत केलं. पण नंतर या नात्यातही मतभेद झाले. 2019 मध्ये, श्वेताने अभिनवविरुद्ध घरगुती हिंसाचाराची तक्रार दाखल केली, त्याच वष दोघे वेगळे झाले. तेव्हापासून, श्वेता तिच्या करिअरवर लक्ष केंद्रित करत आहे. तसेच सिंगल मदर म्हणून तिच्या मुलांचे संगोपन करत आहे.
