अहिल्यानगर । नगर सहयाद्री:-
एमआयडीसीतील दूध डेअरी चौकात झालेल्या अपघातात महिलेचा मृत्यू झाला. सरिता शरद मेहर (वय 40 रा. सारसनगर, अहिल्यानगर) असे मयत महिलेचे नाव आहे. या प्रकरणी एमआयडीसी पोलीस ठाण्यात आकस्मात मृत्यूची नोंद करण्यात आली आहे.
सरिता मेहर यांचा बुधवारी (27 नोव्हेंबर) दुपारी साडेचारच्या सुमारास एमआयडीसीतील दूध डेअरी चौकात अपघात झाल्याने त्यांना त्यांचे नातेवाईक गिरीष गारदे यांनी खासगी रूग्णवाहिकेतून येथील जिल्हा शासकीय रूग्णालयात उपचारासाठी दाखल केले.
तेथील वैद्यकीय अधिकारी डॉ. बटुळे यांनी त्यांची तपासणी केली असता त्यांचा मृत्यू झाला असल्याचे त्यांनी घोषीत केले. तशी माहिती त्यांनी रूग्णालयात नेमणूकीस असलेले पोलीस अंमलदार बोरूडे यांना दिली. अंमलदार बोरूडे यांच्या खबरीवरून एमआयडीसी पोलीस ठाण्यात आकस्मात मृत्यूची नोंद करण्यात आली आहे. अधिक तपास पोलीस करत आहेत.
