श्रीरामपूर । नगर सहयाद्री-
साखर कारखान्यांच्या गळीत हंगाम्यामुळे ट्रकमध्ये भरगच्च ऊस भरले जात आहे. अशाच एक ट्रक उलटल्याने अपघाताची घटना घडली आहे. अपघातामध्ये उषाबाई बाळासाहेब विघावे या महिलेचा दुर्देवी मृत्यु झाला असून दोन व्यक्ती जखमी झाले आहे.
श्रीरामपूर-संगमनेर रस्त्यावर उसाने भरलेला भरधाव ट्रक श्रीरामपूरकडून बाभळेश्वरकडे सायंकाळच्या सुमारास जात होता.
समोरुन येत असलेल्या अवजड वाहनामुळे चालकाने आपला ट्रक कडेला घेतला असता डाव्या बाजूला असलगल्या उतारामुळे ट्रक उलटला.
त्याचवेळी रस्त्याच्या कडेने जाणारी खंडाळा येथील रहिवासी उषाबाई बाळासाहेब विघावे ही महिला ट्रकमधील उसाखाली दबली गेली. तसेच दुचाकीवर जाणारे दोघेजण जखमी झाले आहे. स्थानिक नागरिकांच्या मदतीने महिलेला तसेच दोन्ही जखमींना बाहेर काढले.
