Abhishek Bachchan News: लोकसभा निवडणुकीचा बिगुल एकदाचा वाजला असून सर्वच पक्ष कामाला लागले आहेत. कोणत्या मतदार संघातून कोणत्या उमेदवाराला उभं करायचं याचा आढावा सध्या राजकीय पक्षांकडून घेतला जात आहे. यापूर्वी अभिनेते नाना पाटेकर निवडणूक लढवणार असल्याच्या पुढे आले होते मात्र मी निवडणूक लढणार नसल्याचे त्यांनी स्पष्टपणे सांगितले.
दरम्यान आता आणखी एका बॉलीवूड कलाकाराच्या राजकारणातल्या एन्ट्रीची चर्चा सुरु आहे. अभिषेक बच्चन देखील आता राजकारणात उतरणार असल्याचं म्हटलं जात आहे. त्यामुळे बच्चन कुटुंबातला आणखी एक सदस्य देशाच्या संसदेत जाऊन बसणार का हे पाहणं महत्त्वाचं ठरेल. ज्येष्ठ अभिनेत्री आणि अभिषेक बच्चनची आई जया बच्चन या देखील राज्यसभेवर खासदार आहेत.
अभिषेक बच्चन यांना समाजवादी पार्टीकडून तिकीट मिळण्याची शक्यता असल्याचं म्हटलं जातंय. त्यामुळे जर अभिषेक बच्चनला लोकसभेचं तिकीट मिळालं तर इतर पक्षांसाठी मतदारसंघात आव्हान उभं ठाकू शकतं. पण अद्याप यावर अभिषेककडून कोणत्याही प्रकारचं अधिकृत भाष्य करण्यात आलं नाहीये. त्यामुळे आपल्या अभिनयाने प्रेक्षकांच्या मनावर छाप सोडलेला अभिषेक बच्चन राजकारणात जनेतेची मनं जिंकू शकेल का याची देखील उत्सुकता सगळ्यांना आहे. येणार आहे.
