मुंबई / नगर सह्याद्री : आमिर खानच्या ‘दंगल’ या सिनेमातून प्रसिद्ध झालेली अभिनेत्री सुहानी भटनागर हिचे 19 व्या वर्षी निधन झाले. या निधनाच्या बातमीने सर्वानाच धक्का बसला आहे.
‘दंगल’ चित्रपटात तिने आमिर खानच्या छोट्या मुलीची भूमिका साकारली होती.
या चित्रपटानंतर ती मोठ्या पडद्यापासून दूरच होती. आता अचानक सुहानीच्या निधनाचं वृत्त समोर आल्याने सर्वांनाच धक्का बसला आहे. फरीदाबादमध्ये राहणाऱ्या सुहानीच्या निधनाचं कारण तिच्या संपूर्ण शरीरात पाणी भरल्याचं म्हटलं जात आहे.
काही दिवसांपूर्वी तिचा एक अपघात झाला होता. या अपघातात तिच्या पायाला फ्रॅक्चर झालं होतं. अपघातानंतर उपचारादरम्यान तिने जी औषधं घेतली, त्याचा साइड इफेक्ट होऊन हळूहळू तिच्या शरीरात पाणी भरलं, असं कळतंय. गेल्या काही दिवसांपासून तिच्यावर दिल्लीतील एम्स रुग्णालयात उपचार सुरू होते.
सुहानी बॉलिवूडमधील प्रसिद्ध बालकलाकार होती. तिने 2016 मध्ये आमिर खानच्या ‘दंगल’ या चित्रपटात दमदार भूमिका साकारली होती. यामध्ये तिने ज्युनिअर बबिता फोगाटची भूमिका साकारली होती. याशिवाय तिने बऱ्याच जाहिरातींमध्येही काम केल होत.
