Lok Sabha Election 2024: लोकसभा निवडणुकीच्या चौथ्या टप्प्यासाठी १३ मे रोजी मतदान होणार आहे राजकीय वातावरण तापलेले असताच एमआयएमचे खासदार असदुद्दीन ओवेसीच्या वक्तव्याची राजकीय वर्तुळात चर्चा पसरली आहे. खासदार असदुद्दीन ओवेसी यांनी एका वृत्तपत्रास विशेष मुलाखत दिली यावेळी ते बोलत होते.
खासदार असदुद्दीन ओवेसी म्हणाले, छत्रपती संभाजीनगर आणि हैदराबादमध्ये 13 मे रोजी मतदान होणार असून, दोन्ही ठिकाणी विजय मिळेल, असा आम्हाला विश्वास आहे. पीडीएम आणि एमआयएम उमेदवारांचा विजय सुनिश्चित करण्यासाठी आम्ही सर्वतोपरी प्रयत्न करत आहोत. तसेच एक दिवस असा येईल की हिजाब घातलेली महिला भारताची पंतप्रधान होईल. असे त्यांनी म्हटले आहे.
पुढे बोलताना ते म्हणाले, लोक जात, बेरोजगारी, महागाई इत्यादींवर मत देत आहेत. इंडिया आघाडी मुस्लिमांना तिकीट देत नाही. जसे महाराष्ट्रात एकूण 48 जागा आहेत, पण एकही मुस्लिम उमेदवार दिलेला नाही. त्याचप्रमाणे राजस्थान, मध्य प्रदेश, छत्तीसगड, दिल्ली येथेही करण्यात आले असल्याचे त्यांनी म्हटले आहे.
