मुंबई । नगर सहयाद्री-
बॉलीवूड अभिनेत्री एकापाठोपा एक कोणत्या ना कोणत्या कारणाने अडचणीत येत आहेत. अशातच आता अभिनेत्री तमन्ना भाटिया अडचणीत आली आहे. महाराष्ट्र सायबर सेलने तमन्नाला समन्स बजावले आहे. फेअरप्ले पवर आयपीएल २०२३ च्या बेकायदेशीर स्ट्रीमिंगबाबत तमन्नाला चौकशीसाठी बोलावण्यात आले असल्यामुळे फिल्म इंडस्टी्रमध्ये मोठी खळबळ उडाली आहे. तमन्नाच्या स्ट्रीमिंगमुळे वायकॉमचं कोट्यवधी रुपयांचे नुकसान झाले आहे. त्यामुळे तमन्नाला २९ एप्रिल रोजी महाराष्ट्र सायबर सेलसमोर हजर राहण्यास सांगण्याले आहे.
सध्या आयपलएलचा सिझन सुरु आहे. सर्व टीमही तगडा परर्फाम दाखवत आहेत. तसेच दुसरीकडे अभिनेत्री तमन्ना भाटियाने फेअरप्लेचं प्रमोशन केलं त्यामुळे प्रकरणी केली जाणार आहे. तिला साक्षीदार म्हणून चौकशीसाठी बोलावण्यात येत आहे. फेअरप्लेच्या प्रमोशनसाठी तिच्याशी कोणी संपर्क साधला होता आणि त्यासाठी तिला किती पैसे मिळाले, यासंदर्भात तिची चौकशी केली जाणार आहे.
तमन्ना भाटियाआधी २३ एप्रिल रोजी अभिनेता संजय दत्तलाही या प्रकरणी समन्स बजावण्यात आलं आहे. संजय दत्ता सध्या मुंबईत नसल्याने तारीख व वेळ वाढवून मागितला आहे. वायकॉमने महाराष्ट्र सायबर सेलमध्ये तक्रार दाखल केली आहे. या प्रकरणी तपास केला जात असून त्याचसंदर्भात तमन्ना भाटिया आणि संजय दत्त यांना चौकशीसाठी समन्स पाठवण्यात आले आहे. या प्रकरणी रॅपर बादशाहचा जबाबही नोंदवण्यात आला आहे. फेअरप्लेवर बेकायदेशीरपणे आयपीएलचं स्ट्रीमिंग केल्याने वायकॉमचं मोठं नुकसान झाल्याचे म्हटले आहे.
