पुणे / नगर सह्याद्री : जर तुम्ही सरकारी नोकरीच्या शोधात असाल तर तुमच्यासाठी भरतीची मोठी संधी आहे. थेट पुणे महानगरपालिकेत काही जागांवर भरती होणार आहे. जर तुम्ही नोकरीच्या शोधात असाल तर या संधीचा फायदा घ्या. यासाठी कसलीच परीक्षा नसणार आहे.
यासाठी केवळ मुलाखत असेल. थेट मुलाखतीमधून निवड होणार आहे. नुकताच या भरती प्रक्रियेबद्दलची अधिसूचना ही प्रसिद्ध करण्यात आलीये. नोकरीच्या शोधात असणाऱ्यांसाठी खरोखरच ही मोठी संधीच म्हणावी लागणार आहे.
नोकरीचे ठिकाण हे पुणेच असेल. ही भरती प्रक्रिया पुणे महानगरपालिकेकडून राबवली जातेय. ही पदे महानगरपालिकेच्या भारतरत्न अटलबिहारी वाजपेयी मेडिकल कॉलेज आणि हॉस्पिटलसाठी भरली जाणार आहेत. या भरतीच्या माध्यमातून विविध पदे भरली जातील. ही भरती प्रक्रिया एकून 18 पदांसाठी होत आहे. यामध्ये प्रोफेसर आणि असोसिएट प्रोफेसर ही पदे भरती जातील.
या भरती प्रक्रियेसाठी शिक्षणाची अट असून एमएस, एमडी, डीएनबी उमेदवार या भरती प्रक्रियेसाठी अर्ज हे करू शकतील. उमेदवारास 16 आणि 23 जानेवारी रोजी मुलाखतीसाठी उपस्थित राहवे लागेल. मुलाखतीसाठी पुणे महानगरपालिका वैद्यकीय शिक्षण ट्रस्ट भारतरत्न अटलबिहारी वाजपेयी वैद्यकीय रुग्णालय, पुणे येथे उपस्थित राहवे लागले. मुलाखतीला येताना उमेदवारांना काही कागदपत्रे आपल्यासोबत आणावी लागतील. असोसिएट प्रोफेसर एकून पदे 11, प्रोफेसर एकून पदे 7 याप्रमाणे ही भरती प्रक्रिया पार पडेल.
