मुंबई | नगर सह्याद्री-
देशासहित राज्यात लोकसभा निवडणुकीची रणधुमाळी पाहायला मिळत आहे. महाविकास आघाडीने काही दिवसांपूर्वी जागावाटपाचा फॉर्म्युला जाहीर केला आहे. मात्र, दुसरीकडे महायुतीचे ९ जागांवरून जागावाटपाचे घोडे अडले आहे. त्यामुळे या रणधुमाळीत जागावाटप आणि उमेदवार जाहीर करण्यात महाविकास आघाडीने महायुतीवर सरशी घेतल्याचे दिसत आहे. महाविकास आघाडीचे ३ उमेदवार घोषित करायचे बाकी आहेत. तर महायुतीचा ९ जागांचा तिढा कायम आहे. या जागांवरील दावे प्रतीदाव्यांमुुळे जागा वाटप रखडले आहे.
राज्यात लोकसभा निवडणुकीची उत्सुकता लोकांमध्ये वाढू लागली आहे. राजकीय पक्ष आणि अपक्ष उमेदवारांनी प्रचाराला सुरुवात केली आहे. राजकीय पक्षांच्या नेत्यांनी जाहीर सभांचा धडाका लावला आहे. पंतप्रधान नरेंद्र मोदी यांनीही महाराष्ट्राता सभांचा धडाका लावला आहे. मात्र, महाविकास आघाडीचा ९ जागांचा गुंता कायम आहे.
महाविकास आघाडीने फक्त तीन उमेदवार घोषित करणे बाकी आहे. या तीन जागांवरील उमेदवारांपैकी दोन जागा काँग्रेसच्या तर एक जागा पवार गटाची आहे. या जागांमध्ये माढा, उत्तर मुंबई, उत्तर मध्य मुंबई या जागांवर महाविकास आघाडीचे उमेदवार प्रतिक्षेच्या यादीत आहे. दुसरीकडे महायुतीत ९ जागांवरील तिढा कायम आहे. कुठल्या जागा कोणी लढवायच्या, यावरून महायुतीत वाद असल्याचे समोर आले आहे.
महायुतीतील ९ मतदारसंघाच्या ९ मतदारसंघाच्या अजूनही चर्चा सुरु राहील. या ९ जागांमध्ये ठाणे, नाशिक, दक्षिण मुंबई, उत्तर मध्य मुंबई, उत्तर पश्चिम मुंबई, पालघर, सातारा, रत्नागिरी-सिंधुदुर्ग, संभाजीनगर या जागांचा समावेश आहे. त्यामुळे कोणती जागा कोणाच्या पारड्यात पडते याकडे राज्याचे लक्ष लागले आहे.
