spot_img
अहमदनगरनगरमध्ये व्यावसायिकाची 11 लाखांची फसवणूक; असा घडला प्रकार

नगरमध्ये व्यावसायिकाची 11 लाखांची फसवणूक; असा घडला प्रकार

spot_img

अहमदनगर / नगर सह्याद्री
पारस कंपनीचे पीव्हीसी पाईप ऑर्डर असलेल्या ठिकाणी न पाठविता ट्रान्सपोर्ट व्यावसायिकाची 11 लाख दोन हजार 145 रूपयांची फसवणूक झाल्याची घटना समोर आली आहे. दत्तात्रय जयसिंग जाधव (वय 45 रा. सारोळा कासार, ता. नगर) असे फसवणूक झालेल्या व्यावसायिकाचे नाव आहे.

या प्रकरणी त्यांनी कोतवाली पोलीस ठाण्यात मंगळवारी (10 सप्टेंबर) दिलेल्या फिर्यादीवरून तिघांविरूध्द गुन्हा दाखल करण्यात आला आहे. गौतम कुमार (पूर्ण नाव पत्ता नाही), इरफान नुर मोहद (रा. नुह, हाइ विद्यालय जवळ, फेरोजपुर नमक, मेवात, हरीयाणा) व आयशर ट्रक चालक शाद जफरू मोहद (रा. वील मुराद, मेवात, हरीयाणा) अशी गुन्हा दाखल झालेल्यांची नावे आहेत. सदरची घटना 3 सप्टेंबर ते 7 सप्टेंबर दरम्यान घडली आहे. जाधव यांचे केडगाव बायपास चौक येथे श्री सावता ट्रान्सपोर्टचे कार्यालय आहे.

त्यांना 10 लाख दोन हजार 145 रूपये किमतीचे पारस कंपनीचे पीव्हीसी पाईप आणि फिटींगचा माल ऑर्डर प्रमाणे हरीयाणा येथे पोहोच करायचा होता. त्यांच्याकडे ट्रक उपलब्ध नसल्याने त्यांनी ट्रान्सपोर्ट पोर्टल अ‍ॅपवर ऑर्डर टाकली. तेव्हा त्यांना गौतम कुमार याने फोन करून विश्‍वासात घेतले व सदरचा माल दिलेल्या पत्त्यावर पोहचविण्यासाठी एक लाख रूपये भाडे ठरवून ट्रक पाठविला. जाधव यांनी 50 हजार रूपये गौतम कुमार यांना नेट बँकिंगव्दारे दिले. तसेच इरफान नुर मोहद याला 25 हजार व नंतर 25 हजार असे फोन पे व्दारे दिले. जाधव यांनी त्या ट्रक मध्ये ऑर्डर प्रमाणे भरून दिलेला 10 लाख दोन हजार 145 रूपये किमतीचा माल संशयित तिघा आरोपींनी हरीयाणा येथे पोहोच न करता जाधव यांचा विश्‍वासघात करून गायब करून फसवणूक केली असल्याचे फिर्यादीत म्हटले आहे. अधिक तपास पोलीस उपनिरीक्षक महेश शिंदे करत आहेत.

 

आणखी महत्वाच्या बातम्या

आणखी वाचा

आजचे राशी भविष्य; या राशीच्या लोकांच्या घरात आज येणार पाहुणे, आनंदी वातावरण की ताण वाढणार?

मुंबई । नगर सह्याद्री - मेष राशी भविष्य कंटाळवाण्या आणि धीम्या अशा दिवशी मित्र आणि जीवनसाथी...

नडणाऱ्यांसह काँग्रेस अन्‌‍ ठाकरे सेना क्लीन बोल्ड

महानगरपालिकेत डॉ. सुजय विखे पाटील -आमदार संग्राम जगताप एक्सप्रेेस निर्णायक ठरणार! सारिपाट / शिवाजी शिर्के प्रभाग...

वनविभागाच्या हलगर्जीपणामुळेच तरुणाचा बळी!, कळस येथील घटनेला जबाबदार कोण?

पिंजरा लावण्याची जबाबदारी का झटकली? गणेश जगदाळे। पारनेर पारनेर तालुक्याच्या पश्चिमेला असलेल्या जुन्नर तालुका राज्यात बिबट्या...

जिल्ह्यात लेझर लाईट, दबाव हॉर्न व कार्बन डायऑक्साइड वायूच्या वापरावर बंदी

अहिल्यानगर / नगर सह्याद्री - भारतीय नागरिक सुरक्षा संहिता २०२३ चे कलम १६३ (१) नुसार...