Bajaj Bruzer 125 CNG: आपण CNG कारबद्दल ऐकलं असेल, पण CNG बाईकबद्दल कधी ऐकलंय का? नसेल तर आता सवय करून घ्यायला हरकत नाही. कारण भारतात बजाज ऑटो 18 जून 2024 रोजी CNG इंधनावर चालणारी जगातील पहिली मोटारसायकल लॉन्च करणार असल्याची माहिती बजाज ऑटोचे व्यवस्थापकीय संचालक राजीव बजाज यांनी दिली आहे.
पेट्रोलवर चालणाऱ्या बाईकच्या तुलनेत तिची धावण्याची किंमत निम्मी असेल. हा एक अद्भुत नवोपक्रम आहे. ब्रुझर 125 CNG हे मोटारसायकलचे नाव असणार आहे. इधनाच्या वाढत्या किमतींमुले बजाजने सीएनजी मॉडेलला लक्ष केले आहे. सीएनजी बाइकमुळे प्रदूषण कमी होणार असून मोटारसायकल पर्यावरणासाठी उत्तम आहे.
18 जून 2024 रोजी कंपनी देशातील पहिली CNG बाईक लॉन्च करणार आहे. बऱ्याच दिवसांपासून चर्चेत असणाऱ्या या बाईकच्या लॉन्चची तारीख अधिकृतपणे निश्चित झाली आहे. भारतीय बाजारपेठेत बजाज ब्रुझर 125 सीएनजीची किंमत 90,000 ते 1,10,000 रुपयांच्या दरम्यान असू शकते.
बाईकमध्ये एक मोठी इंधन टाकी, एक मोठी सीट, रुंद ग्रॅब रेल आणि निकेल गार्डने सुसज्ज हँडलबार देण्यात आला आहे. तसेच Bajaj Bruzer 125 CNGमध्ये 125cc इंजिन असेल. हे इंजिन CNG वर चालेल. ही बाईक पेट्रोल बाईकच्या निम्म्या किमतीत धावेल असा कंपनीचा दावा आहे.
