Politics News Today: कोल्हापुरात शरद पवार यांच्या नेतृत्वात राष्ट्रवादी काँग्रेसने भाजपला मोठा धक्का देण्याची तयारी केली आहे. कागलमध्ये भाजपचे प्रमुख नेते समरजीत सिंह घाटगे राष्ट्रवादी काँग्रेसच्या गटात प्रवेश करण्याच्या तयारीत असल्याची माहिती समोर आली आहे. समरजीत सिंह घाटगे यांनी महाविकास आघाडीकडून कागलमधून विधानसभा निवडणूक लढविण्याची इच्छा व्यक्त केली आहे.
सूत्रांच्या माहितीनुसार, समरजीत घाटगे यांनी शाहू सहकारी साखर कारखान्याच्या कार्यस्थळावर कार्यकर्त्यांची मते जाणून घेण्यासाठी एक मेळावा आयोजित केला आहे. त्यांच्या या मेळाव्यात राष्ट्रवादी काँग्रेसच्या गटात प्रवेश करण्याबाबत विचारण्या होण्याची शक्यता आहे.
गुरुवारी कोल्हापुरात महायुतीच्या जाहीर सभेला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित राहणार आहेत. तथापि, समरजीत घाटगे या कार्यक्रमाला उपस्थित राहणार नाहीत, ज्यामुळे त्यांच्या शरद पवार गटातील प्रवेशाची शक्यता अधिक प्रबळ मानली जात आहे.
हसन मुश्रीफांचं टेन्शन वाढणार?
समरजीत घाटगे सप्टेंबर महिन्याच्या पहिल्या किंवा दुसऱ्या आठवड्यात शरद पवार यांच्या उपस्थितीत राष्ट्रवादी काँग्रेसच्या तुतारीच्या चिन्हावर निवडणूक लढवतील. द पवार गटाने समरजीत घाटगे यांना कागलमधून लढण्याची संधी देण्याची ऑफर दिली असल्याची चर्चा आहे. यामुळे आगामी विधानसभा निवडणुकीत कागल मतदारसंघात अजित पवार गटाचे हसन मुश्रीफ यांच्याविरोधात ते शड्डू ठोकतील, असा अंदाज आहे.
