बीड । नगर सहयाद्री-
भाजपाच्या लोकसभेच्या उमेदवार पंकजा मुंडे आणि मराठा आंदोलन जरांगे पाटील हे एकाच मंचावर आले होते. यावेळी पंकजा मुंडे यांनी त्यांच्या तब्येतीची विचारपूस देखील केली. मात्र, यावेळी मंचावर आसन व्यवस्थेवरून काही काळ गोंधळ निर्माण झाला होता.
बीडच्या सिरसमार्गमध्ये अखंड हरिनाम सप्ताह सोहळ्याचे आयोजन करण्यात आले होते. मनोज जरांगे पाटील या सप्ताहासाठी रुग्णालयातून भेट देण्यासाठी आले होते तर पंकजा मुंडे यांनी देखील सप्ताहास हजेरी लावली होती. मात्र, यावेळी मंचावरील आसन व्यवस्थेवरून गोंधळ होताच पंकजा मुंडे यांनी माईक हातात घेत शांत राहण्यास सांगितले.
कार्यक्रमात मनोज जरांगे यांची मोठी घोषणा
राज्य सरकारने तात्काळ सग्या सोयऱ्याची अंमलबजावणी न केल्यास 288 विधानसभेच्या जागा लढवणार असून विधानसभेच्या निवडणुकीत मी स्वतः देखील उभा राहणार आहे. लोकसभेच्या निवडणुकीत आम्ही जरी उमेदवार उभे केले नसले तरी विधानसभेच्या निवडणुकीत सर्व समाजाला एकत्र करून निवडणूक लढणार आहे.
– मनोज जरांगे पाटील
