नगर सह्याद्री वेब टीम
इंडियन प्रीमियर लीग २०२५ स्पर्धेतील अंतिम सामना आज (०३ जून) पंजाब किंग्ज आणि रॉयल चॅलेंजर्स बँगलोर या दोन संघांमध्ये खेळवला जाणार आहे. या सामन्याआधी क्रिकेट चाहत्यांची चिंता वाढवणारी बातमी समोर आली आहे. कारण या सामन्यावर पावसाचं सावट आहे. त्यामुळे सामना रद्दही होऊ शकतो. याआधी क्वालिफायर २ सामना देखील पावसामुळे रखडला होता. रात्री उशिरापर्यंत सामना सुरू न झाल्यामुळे अनेकांच्या चिंता वाढल्या होत्या. अहमदाबादेतील सध्याचं वातावरणही तसंच असल्यामुळे क्रिकेटरसिकांची चिंता वाढली आहे.
दरम्यान, या सामन्यापूर्वी आपण दोन्ही संघांची उजळणी करणार आहोत. हा सामना किती वाजता, कुठल्या मैदानात खेळवला जाणार आहे? हा सामना कुठे पाहता येईल? दोन्ही संघांची प्लेइंग ११ कशी असेल? तसेच इतर प्रश्नांची उत्तरं आपण जाणून घेणार आहोत.
दोन्ही संघ पहिल्या जेतेपदाच्या प्रतीक्षेत
पंजाब किंग्ज संघाची धुरा श्रेयस अय्यरकडे आहे. तर, रॉयल चॅलेंजर्स बँगलोरच्या कर्णधारपदाची जबाबदारी रजत पाटीदारकडे आहे. दोन्ही संघ आपल्या पहिल्या जेतेपदाच्या प्रतीक्षेत आहेत. रॉयल चॅलेंजर्स बँगलोरने क्वालिफायर १ मध्ये पंजाब किंग्जला पराभूत करून अंतिम फेरीत प्रवेश केला आहे. तर दुसरीकडे पंजाब किंग्जने क्वालिफायर २ मध्ये मुंबई इंडियन्सला धूळ चारत अंतिम सामना गाठला आहे.
सामना कधी व कुठे खेळवला जाणार? थेट प्रक्षेपण कुठे पाहता येईल?
हा सामना अहमदाबादमधील नरेंद्र मोदी स्टेडियमवर खेळवला जाणार असून संध्याकाळी ७.३० वाजता खेळाला सुरुवात होईल. स्टार स्पोर्ट्स या वाहिनीवर ७.३० वाजल्यापासून या सामन्याचं थेट प्रक्षेपण होईल. तसेच जिओ हॉटस्टार या ओटीटी प्लॅटफॉर्मवरही तुम्ही हा सामना लाइव्ह पाहू शकता.
अशी असेल पंजाब किंग्सची प्लेइंग ११
प्रियांश आर्या, जॉश इंग्लिस (यष्टीरक्षक), श्रेयस अय्यर (कर्णधार), नेहाल वढेरा, मार्कस स्टॉयनिस, शशांक सिंह, अझमतुल्लाह ओमरझाई, काईल जेमिसन, विजयकुमार वैशाख, अर्शदीप सिंग, युझवेंद्र चहल आणि इम्पॅक्ट प्लेअर – प्रभसिमरन सिंग
अशी असेल पंजाब किंग्सची प्लेइंग ११
विराट कोहली, फिलिप सॉल्ट, रजत पाटीदार (कर्णधार) लियाम लिविंगस्टोन, जितेश शर्मा (यष्टीरक्षक), रोमारियो शेफर्ड, कृणाल पांड्या, भुवनेश्वर कुमार, यश दयाल, जोश हेझलवूड, सुयश शर्मा आणि इम्पॅक्ट प्लेअर – मयांक अग्रवाल
