Ladki Bahin Yojana: लाडकी बहीण योजनेच्या मे महिन्याच्या हप्त्याची प्रतीक्षा लाखो महिलांना लागून आहे. या योजनेतून पात्र महिलांच्या खात्यात दरमहा १५०० रुपये जमा केले जातात. मात्र, मे महिन्याचा हप्ता अद्याप जमा झालेला नाही. राज्याचे अर्थमंत्री अजित पवार यांनी ३.३७ कोटी रुपयांच्या फाईलवर सही केल्यामुळे लवकरच या रकमेतून महिलांच्या खात्यात पैसे जमा होण्याची शक्यता आहे. मागील महिन्यांप्रमाणेच याही वेळेस हप्ता महिन्याच्या शेवटच्या आठवड्यात जमा होऊ शकतो.
मे महिना संपायला अवघे काही दिवस उरले आहेत. त्यामुळे या काळात १५०० रुपये जमा होतील. जर तुम्हाला पैसे मिळाले नाही तर पुढच्या महिन्यात पैसे जमा केले जाऊ शकतात. लाडक्या बहिणींना जर या महिन्यात पैसे दिले नाहीत तर पुढच्या महिन्यात महिलांच्या खात्यात ३००० रुपये जमा होतील. लाडकी बहीण योजनेत महिलांच्या अर्जांची पुन्हा पडताळणी सुरु झाली आहे.
दरम्यान, या योजनेत निकषांबाहेर जाऊन अर्ज करणाऱ्या महिलांना आता फटका बसणार आहे. या महिलांचे अर्ज बाद केले जाणार आहेत. लाडकी बहीण योजनेतील महिलांच्या नावाने फसवणूकदेखील होत आहे. त्यामुळे या गुन्ह्यांना आळा घालण्यासाठी पडताळणी पुन्हा सुरु करण्यात आली आहे. यातून या महिन्यात अनेक महिला बाद होण्याची शक्यता आहे.
