अहमदनगर। नगर सहयाद्री:-
जिल्ह्यातील श्रीरामपूर तालुक्यात एक धक्कादायक प्रकार घडला आहे. अण्णाभाऊ साठे जयंतीनिमित्त डीजे ठरवायला गेलेल्या मित्रांना पाच जणांनी गाठून मागील भांडणाच्या कारणावरून लोखंडी गजाने मारहाण करत चॉपरने वार करून जखमी केले. याप्रकरणी पाच जणाविरोधात गुन्हा दाखल करण्यात आला आहे.
याप्रकरणी आकाश जाधव, रा.आंबेडकर वसाहत, दत्तनगर याने दिलेल्या फिर्यादीत म्हटले आहे की, ३१ जुलैला रात्री मी आणि माझा मित्र कार्तिक केदारी, संकेत कदम असे आम्ही दत्तनगर येथे अण्णाभाऊ साठे जयंतीनिमित्त डीजे ठरवायला गेलो होतो.
पायल डीजे यांच्या घरासमोर आम्ही तिघे उभे असताना तेथे रितेश, आकाश, अमित, साई, सयोग हे आले व मागीलभांडणाच्या रागातून शिवीगाळ, करू लागले. तेव्हा आपण मागील भांडण विसरलो असे त्यांना म्हणत असताना रितेश याने हातातील चॉपरने वार केला. तसेच साई याने लोखंडी रॉडने डोक्यात मारले तेव्हा खाली पडलो.
संकेत व कार्तिक हे मदतीला आले असता संकेत याच्या गालावर रितेश याने चॉपर मारला तसेच कार्तिक यास आकाश याने लोखंडी फायटरने डोक्यात मारले. लाथाबुक्क्यांनी बेदम मारहाण करत जिवे ठार मारण्याची धमकी दिली. याप्रकरणी आकाश जाधव याच्या फिर्यादीवरून पोलिसांनी रितेश, आकाश, अमित, साई, सयोग यांच्याविरूद्ध गुन्हा दाखल केला आहे.
