अहिल्यानगर/प्रतिनिधी :
पारनेर तालुक्यातील वाडेगव्हाण (ता. नगर) येथील ग्राम महसुल अधिकारी दिपक साठे यास लाचलुचपत प्रतिबंधक विभाग, नगर यांनी गुरुवारी (दि. १८ सप्टेंबर) रंगेहात पकडले.
खरेदीखत सातबारा नोंद करण्यासाठी संबंधित नागरिकाकडून त्यांनी १० हजार रुपयांची लाच मागितली होती. तडजोडीनंतर ठरलेल्या रकमेचा स्वीकार करत असताना नगर येथील लाचलुचपत प्रतिबंधक विभागाच्या पथकाने ही कारवाई केली.
ही कारवाई पोलिस उपअधीक्षक, लाचलुचपत प्रतिबंधक विभाग, नगर यांच्या मार्गदर्शनाखाली करण्यात आली. आरोपीविरुद्ध पुढील कायदेशीर प्रक्रिया सुरू असून तपास सुरू आहे.
