Ahmednagar Politics News: विधानसभा निवडणुकीपूर्वीच नगरचे राजकीय वातावरण तापण्यास सुरवात झाली आहे. पराभवामुळे माझं नाही तर मतदारसंघाचं आणि पुढच्या पिढीचं नुकसान झाल्याचं म्हणत मी कुठे गेलेलो नाही, टायगर अभी जिंदा है..” वादळ येत असतात. अशा शब्दात माजी खासदार सुजय विखे पाटील यांनी निलेश लंके यांच्यावर जोरदार टीका केली आहे.
नगर तालुक्यातील पिंपळगाव उज्जैन येथील कार्यक्रमात माजी खासदार सुजय विखे पाटील यांनी ग्रामस्थांनसोबत संवाद साधला. पुढे बोलतांना खा. विखे पाटील म्हणाले, मी कुठे गेलेलो नाही संपलेलो नाही टायगर अभि जिंदा है. अशे अनेक वादळ येत असतात मात्र निवडून आलेल्या माणसाच्या भाषणा मध्ये कधीच समाज हिताचं काम नाही, शेतकऱ्यांच्या हिताचं काम नाही, परिवर्तन व्हावं असं कधीच ऐकायला मिळत नाही. फक्त हा बोगस, याला गाडू, तो हरामखोर फक्त एवढंच बोलतात, असा टोला सुजय विखे यांनी लकेंना लगावला.
तुम्ही कसं मतदान टाकता, आज जी गर्दी आहे त्यातल्या निम्म्या लोकांनी माझा कार्यक्रम लावला. तरी देखील मी तुमच्यामध्ये आलोय. पण कार्यक्रम माझा नाही तर तुमच्या पिढीचा कार्यक्रम तुम्ही लावला. मा‍झ्या पडण्याने नुकसान तुमच्या लोकांचं झालं आहे, अशी खंत माजी खासदार सुजय विखे पाटील यांनी व्यक्त केली.
