मुंबई। नगर सहयाद्री-
मिनी लोकसभा म्हणून पाहिल्या जात असलेल्या पाच राज्यांपैकी चार राज्यांचे निकाल जाहीर झाले आहे. सुरुवातीच्या हाती आलेल्या कलानुसार मध्यप्रदेश, राजास्थान, छत्तीसगडमध्ये भाजप आघाडीवर आहे. भाजपच्या यशाबाबत राष्ट्रवादी काँग्रेसचे नेते हसन मुश्रीफ यांनी मोठे वक्तव्य केले आहे.
चार राज्यांच्या निवडणुकीचा निकाल आज जाहीर होत आहे. चारही राज्यात कोणता पक्ष बाजी मारणार? याकडे सर्वांचं लक्ष लागले आहे. आगामी लोकसभा निवडणुकीच्या दृष्टीने ही निवडणूक महत्त्वाची समजली जात आहे. सुरुवातीच्या कलांमध्ये या चारही राज्यात काँग्रेस आघाडीवर होती.
मात्र मध्य प्रदेश, राजस्थान, छत्तीसगडमध्ये भाजपने जोरदार मुसंडी मारली आहे. भाजपच्या यशाबाबत राष्ट्रवादी काँग्रेसचे नेते हसन मुश्रीफ म्हणाले, मागच्या वेळी या राज्यांमध्ये भाजपचा पराभव झाला होता. यंदाचा हा विजय म्हणजे बहुतेक हा आमचा राष्ट्रवादीचा पायगुण ठरला असावा.
