अहिल्यानगर | नगर सह्याद्री
अहिल्यागर शहरातील मार्केटयार्ड परिसरातील जंगदंबा कृषी सेवा केंद्रातून अज्ञात व्यक्तीने 37 हजार 500 रुपये किमतीचे कांद्याच्या बियाण्यांचे सिलबंद बॉक्स चोरल्याची घटना मंगळवारी (दि. 17 जून 2025) सायंकाळी 7:03 वाजता घडली. याप्रकरणी कोतवाली पोलीस ठाण्यात अज्ञात व्यक्तीविरुद्ध गुन्हा दाखल करण्यात आला आहे.
फिर्यादी सागर श्रीप्रकाश तिपुळे (वय 32, रा. संदीपनगर, सारसनगर, अहिल्यागर) यांनी सांगितले की, त्यांच्या गोडाऊनमधून अर्धा किलो वजनाच्या 30 पिशव्या असलेले येलोरा कंपनीचे कांद्याचे बियाणे अज्ञात व्यक्तीने लबाडीच्या हेतूने चोरले. चोरट्याने हिरवट रंगाचा टी-शर्ट आणि काळी पँट परिधान केली होती, असे फिर्यादीत नमूद आहे.
चोरीची घटना घडल्यानंतर फिर्यादीने रात्री 11:33 वाजता कोतवाली पोलीस ठाण्यात तक्रार नोंदवली. कोतवाली पोलीस ठाण्याचे पोलीस निरीक्षक प्रताप दराडे यांच्या नेतृत्वाखाली तपास सुरू झाला असून, पोलीस हवालदार संदीप रंगनाथ पितळे यांना तपासाची जबाबदारी देण्यात आली आहे. याप्रकरणी पुढील तपास पोलीस करीत आहेत.
