Ladki Bahin Yojana: राज्य सरकारच्या ‘लाडकी बहीण’ योजनेच्या लाभार्थ्यांसाठी एक महत्त्वाची माहिती समोर आली आहे. या योजनेचा जून महिन्याचा हप्ता लवकरच पात्र महिलांच्या खात्यात जमा केला जाणार आहे. मात्र, अनेक महिलांना यंदा जूनचा हप्ता मिळणार नसल्याचे समोर आले आहे.सरकारने योजनेसाठी काही ठोस निकष निश्चित केले आहेत. हे निकष पूर्ण करणाऱ्या महिलांनाच लाभ दिला जातो.
पात्रतेच्या अटी पुढीलप्रमाणे आहेत: महिलांचे वय २१ ते ६० वर्षांच्या दरम्यान असावे. कुटुंबाचे वार्षिक उत्पन्न २.५ लाख रुपयांपेक्षा कमी असावे. लाभार्थी महिला सरकारी कर्मचारी नसाव्यात. लाभार्थी महिलांनी इतर कोणत्याही शासकीय योजनेचा लाभ घेतलेला नसावा.महिलांकडे चारचाकी वाहन नसावे. योजनेच्या नावाखाली फसवणूक झाल्याच्या तक्रारी प्राप्त झाल्यानंतर प्रशासनाने लाभार्थ्यांची नव्याने पडताळणी सुरू केली आहे. तपासणीत अनेक महिलांनी खोट्या माहितीतून अर्ज भरल्याचे समोर आले असून, अशा अर्जदारांचे अर्ज बाद करण्यात आले आहेत.
राज्य सरकारने अद्याप जून महिन्याच्या हप्त्याची अधिकृत तारीख जाहीर केलेली नाही, मात्र ही रक्कम लवकरच पात्र महिलांच्या बँक खात्यात जमा होईल, अशी माहिती अधिकाऱ्यांकडून देण्यात आली आहे.या पार्श्वभूमीवर महिलांना विनंती करण्यात येते की त्यांनी आपल्या अर्जाची स्थिती तपासावी आणि शासनाच्या अधिकृत संकेतस्थळावरूनच पुढील माहितीची खातरजमा करावी.
