Ladki Bahin Yojana: महाराष्ट्र सरकारने लाडकी बहीण योजना राबवली आहे. लाडकी बहीण योजनेत महिलांना दर महिन्याला १५०० रुपये दिले जातात. या योजनेत महिलांना २१०० रुपये दिले जाण्याचे आश्वासन महायुती सरकारने केले होते. या योजनेत आतापर्यंत महिलांच्या खात्यात ७ वा हप्ता जमा झाला आहे.
या योजनेतील निकष बदलणार असल्याची चर्चा सुरु होती. मात्र, मंत्री आदिती तटकरेंनी या सर्व चर्चांना पूर्णविराम दिला आहे. लाडकी बहीण योजनेत फक्त पात्र महिलांनाच मदत मिळणार आहे.
तसेच ज्या महिला इतर कोणत्याही योजनेचा लाभ घेत असतील तर त्यांना योजनेचा लाभ मिळणार नाही. जर तुम्ही संजय गांधी निराधार योजनेचा लाभ घेत असाल तर तुम्हाला फक्त एकाच योजनेचा लाभ मिळणार आहे.
योजनेच्या अटी
योजनेचा लाभ घेणारी महिला महाराष्ट्राची रहिवासी असावी, महिलेचे वय २१ ते ६५ वयोगटातील असावे, या योजनेत लाभ घेणाऱ्या महिलांच्या कुटुंबातील सदस्य इन्कम टॅक्स भरत नसावे, जर महिला सरकारी नोकरीत असेल तर त्यांनाही या योजनेचा लाभ मिळणार नाही, ज्या महिलांच्या कुटुंबात चारचाकी वाहने आहेत त्यांनाही या योजनेचा लाभ मिळणार नाही,या योजनेचा लाभ घेण्यासाठी महिलांच्या कुटुंबाचे उत्पन्न २.५ लाखांपेक्षा जास्त नसावे.
