spot_img
अहमदनगरतुफान आलंया..! जनसेवा फाउंडेशनच्या कार्यक्रमास तुफान गर्दी, विखे-कर्डीले यांच्या जोडीचा गाण्यावर...

तुफान आलंया..! जनसेवा फाउंडेशनच्या कार्यक्रमास तुफान गर्दी, विखे-कर्डीले यांच्या जोडीचा गाण्यावर भन्नाट ठेका

spot_img

अहमदनगर। नगर सहयाद्री
नगर तालुयातील नवनागापूर येथे जनसेवा फाउंडेशनच्या वतीने काल (दि.११) आयोजित करण्यात आलेला कर्तृत्ववान महिलांचा सन्मान सोहळा आणि सांस्कृतिक महोत्सव मोठ्या उत्साहात साजरा झाला. या कार्यक्रमासाठी महिलांनी उत्स्फूर्तपणे दर्शविलेल्या सहभागाने परिसर फुलून गेला होता. यावेळी महिलांची भव्य गर्दी झाली होती. प्रसिद्ध संगीतकार आणि गायक अजय-अतुल यांच्या झिंग झिंग झिंगाट या गाण्यावर खासदार डॉ. सुजय विखे पाटील आणि अहमदनगर जिल्हा सहकारी बँकेचे चेअरमन शिवाजी कर्डिले यांनी ठेका धरत उपस्थितांचा आनंद द्विगुणित केला. या कार्यक्रमास महिलांनी तुफान गर्दी केली होती.

या कार्यक्रमात खासदार डॉ. सुजय विखे पाटील यांच्या हस्ते कर्तृत्ववान महिलांचा सन्मान करण्यात आला. यावेळी सुजय विखेंनी या सर्व महिलांचे अभिनंदन केले आणि त्यांच्या उत्कृष्ट कार्यासाठी शुभेच्छा दिल्या. यावेळी दिग्गज संगीतकार व अजय अतुल या जोडीने उपस्थित महिलांना आपल्या गाण्यावर ताल धरण्यात भाग पाडले. तसेच अभिनेत्री सोनाली कुलकर्णी आणि मानसी नाईक यांनी आपल्या नृत्याने उपस्थितांचा उत्साह वाढविला. या सांस्कृतिक महोत्सवात महिलांचे मनोरंजन करण्याच्या अनुषंगाने आयोजित या कार्यक्रमांव्यतिरिक्त भव्य लकी ड्रॉ स्पर्धा देखील आयोजित करण्यात आली होती.

यामध्ये महिलांना पैठणीसह विविध आकर्षक बक्षिसे देखील देण्यात आली. या कार्यक्रमात महिला संघटन करणार्‍या अरुणा नानाभाऊ कांबळे, सामाजिक कार्यकर्ता डॉ. अर्चना नांगरे आघाव, ह.भ.प. उज्वला ठोंबरे, मुख्याध्यापिका तारका रंगनाथ भापकर, शिवव्याख्याता प्रणाली कडूस, डॉ. निवेदिता माने, अंगणवाडी सेविका विद्या दुसुंगे, श्रुतिका धनंजय दळवी, शिक्षिका सविता मधुकर बोरकर, अनिता आदिनाथ बनकर, सामाजिक कार्यकर्त्या सिंधू राजेंद्र वाणी, सोनाली योगेश गहिले, स्मिता मंगेश करडे, सुमन साहेबराव सप्रे, मिराबाई ज्ञानदेव शेळके, अश्विनी कोळपकर, मीना बेरड, मीना गणेश काटे, सोनुबाई विजय शेवाळे, कोमल वाकळे, प्रणाली बाबासाहेब कडुस आदी कर्तृत्ववान महिलांचा सन्मान करण्यात आला.

आणखी महत्वाच्या बातम्या

आणखी वाचा

मंत्री विखे शेतकऱ्यांच्या बांधावर; अतिवृष्टीने नुकसान झालेल्या भागाची केली पाहणी, दिले महत्वाचे आदेश..

पाथर्डी | नगर सह्याद्री सोमवारी अहमदनगर शहरासह जिल्ह्यात परतीच्या पावसाने धुमाकूळ घातला. अनेक भागात अतिवृष्टी...

आयत्या पिठावर रेघोट्या मारून, खोटे सांगून क्रेडिट का घेता?; माजी मंत्री थोरात यांचा विरोधकांना सवाल

संगमनेर | नगर सह्याद्री दुष्काळी भागाला पाणी मिळावे याकरता सहकारमहष भाऊसाहेब थोरात यांच्या संकल्पनेतून कारखान्याच्या...

जीएसटी समितीच्या अहिल्यानगर शहर संयोजकपदी निखिल वारे

अहिल्यानगर | नगर सह्याद्री वस्तू आणि सेवांवरील जीएसटी कमी करण्याचा निर्णय सर्वसामान्यांसाठी लाभकारक आहे. पंतप्रधान...

महापालिकेच्या प्रारूप प्रभाग रचनेवर 40 जणांचा आक्षेप, वाचा, सविस्तर

अहिल्यानगर | नगर सह्याद्री महानगरपालिकेच्या प्रारूप प्रभाग रचनेवर हरकती दाखल करण्यासाठी दिलेल्या अंतिम दिवसापर्यंत (15...