नगर सहयाद्री टीम-
लोकसभेची सेमी फायनल म्हणून पाहिल्या जात असलेल्या चार राज्यांच्या निवडणुकीचा निकाल आज जाहीर होत आहे. सकाळी ८ वाजेपासून मतमोजणीला सुरूवात झाली असून चारही राज्यात कोणता पक्ष बाजी मारणार? याकडे सर्वांचं लक्ष लागून असून आगामी लोकसभा निवडणुकीच्या दृष्टीने ही निवडणूक महत्त्वाची समजली जात आहे.
मिनी लोकसभा म्हणून पाहिल्या जात असलेल्या पाच राज्यांपैकी चार राज्यांचे निकालजाहीर होत आहे. सुरुवातीच्या हाती आलेल्या कलानुसार मध्यप्रदेश, राजास्थान, छत्तीसगडमध्ये भाजप (BJP) आघाडीवर आहे. तीन राज्यात भाजपने पुन्हा निर्विवाद वर्चस्व प्रस्थापित केलं आहे.
Rajasthan Assembly Election 2023 Results LIVE:
-भाजप101 जागांवर आघाडीवर आहे. तर काँग्रेस 86 जागांवर आघाडीवर आहे.
-राजस्थानमध्ये भाजप चांगलाच आघाडीवर आहे. राजस्थानमध्ये भाजप 130 जागांवर आघाडीवर आहे. तर राजस्थानमध्ये काँग्रेस 61 जागांवर आघाडीवर आहे.
-राजस्थानमध्ये भाजप 117 जागावर तर काँग्रेस 66 जागावर
Madhya Pradesh Assembly Election 2023 Results LIVE
-पहिल्या कलामध्ये भाजपला बहुमत मिळाले आहे. भाजपने पहिल्या कलात 133 जागांवर आघाडी घेतली आहे. तर काँग्रेसने अवघ्या 93 जागांवर आघाडी घेतली आहे. पहिल्या कलांमध्ये भाजपने बहुमतासाठीचा आकडा पार केल्याने मध्यप्रदेशाच किंगमेकर होण्याचं काँग्रेसचे स्वप्न भंगलं आहे.
-मध्य प्रदेशमध्ये भाजप 151 , काँग्रेस 78 जागांवर आघाडीवर
Telangana Assembly Election 2023 Results LIVE
-तेलंगणात काँग्रेस 63जागांवर आघाडीवर आहे तर बीआरएस 46 जागांवर पुढे आहेत. भाजप फक्त 5 जागांवर आघाडीवर असल्याचे दिसत आहे.
– तेलंगणामध्ये 65 जागांसह काँग्रेसने बहुमताचा आकडा गाठला आहे. तर भाजप केवळ 2 जागांवर आघाडीवर आहे. सत्ताधारी बीआरएसला 46 जागा आहेत.
Chhattisgarh, Assembly Election 2023 Results LIVE
-छत्तीसगडमध्ये होणार काँटे की टक्कर, छत्तीसगडमध्ये काँग्रेस सध्या पिछाडीवर दिसत आहे. काँग्रेस सध्या 42 जागांवर आघाडीवर आहे, तर भाजप 46 जागांवर आघाडीवर आहे.
-छत्तीसगडमध्ये भाजपने अर्धशतक गाठलं आहे, 50 जागांवर भाजप आघाडीवर आहे, तर 38 जागांवर काँग्रेस आघाडीवर आहे.
