नागपूर। नगर सहयाद्री
नोकरी मिळवून देण्याच्या नावाखाली वेश्या व्यवसायात ढकलणाऱ्या पाच दलालांना अटक केली आहे. या प्रकरणातून एका अल्पवयीन मुलीसह आठ ते दहा तरुणींची पोलिसांनी सुटका केली आहे. तसेच हॉटेल चालक बाप-लेकरासह पाच दलाला विरोधात गुन्हा दाखल करण्यात आला आहे.
नागपूर शहरामधील मनीष नगरातील रेल्वे क्रॉसिंगजवळील हॉटेलमध्ये गेल्या अनेक दिवसांपासून हॉटेल चालक बाप-लेक काही दलालांच्या माध्यमातुन देहव्यापार करवून घेत होते. तिथे अल्पवयीन मुलींना ग्राहकांसाठी आणण्यात येत असल्याची माहिती पोलिसांना मिळाली होती.
स्थानिक गुन्हेशाखा युनिट ४ च्या पथकाने हॉटेलवर धाड घालत १५ वर्षाच्या मुलीला एका ग्राहकाच्या खोलीतून ताब्यात घेत आठ ते दहा तरूणींची सुटका करत हॉटेल चालक बाप-लेकरासह पाच दलाला विरोधात गुन्हा दाखल केला आहे.
