अहिल्यानगर । नगर सहयाद्री:-
अहिल्यानगर जिल्ह्यातील कोपरगाव तालुक्यातील हांडेवाडी फाटा येथे चालकाचा कारवरील ताबा सुटल्याने झालेल्या अपघातात दोन तरुणांचा मृत्यू झाल्याची घटना रात्री घडली. याबाबत कोपरगाव पोलीस ठाण्यात गुन्हा दाखल करण्यात आला आहे.
राहाता तालुक्यातील तिसगाव येथील रहिवासी असलेले सहा जण मारुती सुझुकी कंपनीच्या इको गाडीतून राहत्या कडून वणी-दिंडोरीकडे जात असताना कोपरगाव तालुक्यातील हांडेवाडी फाटा येथे वळणावर चालकाचे कारवरील नियंत्र सुटले. त्यामुळे भिषण अपघात घडला.
अपघातात संदीप बाळासाहेब सदाफळ ( रा.तिसगाव वाडी ता. राहाता ) ऋषिकेश मधुकर कडू (रा. तिसगाव वाडी ता. राहाता ) यांचा मृत्यू झाला. त्यांच्यासोबत असलेल्या चौघांवर रुग्णालयात उपचार सुरू आहे.
या घटनेबाबत वैद्यकीय अधिकारी डॉ. ढिकले यांनी दिलेल्या माहितीनुसार कोपरगाव तालुका पोलीस ठाण्यात अकस्मात मृत्यूचा गुन्हा दाखल करण्यात आला असून पुढील तपास पोलीस करत आहेत.
