spot_img
अहमदनगरआई वडिलांच्या कष्टाच चीज झालं! तीन बहिणींसह भाऊ पोलीस दलात..

आई वडिलांच्या कष्टाच चीज झालं! तीन बहिणींसह भाऊ पोलीस दलात..

spot_img

श्रीगोंदा । नगर सहयाद्री:-
गरीबी पाचवीलाच पुजलेली. काम करेल तेव्हा चूल पेटायची अशा परिस्थिती, घरात शिक्षणाचा कसलाही गंध नसताना हलाखीच्या परिस्थितीत वाट काढत परिस्थितीचा बाऊ न करता आलेल्या संकटाना सामोरे जात परिस्थितीला जिद्द बनवत एकाच कुटुंबातील तीन बहिणी आणि एक भाऊ पोलिस दलात भरती झाल्याने गावामध्ये व पंचक्रोशी मध्ये या कुटुंबाची वेगळी ओळख निर्माण झाली आहे.

सोनाली अंकुश मोटे पुणे ग्रामीण पोलीस, रुपाली अंकुश मोटे अहमदनगर पोलीस, रोहिणी अंकुश मोटे मुंबई शहर पोलिस, ज्ञानेश्वर अंकुश मोटे पुणे ग्रामीण पोलीस दलात भरती झाल्याने आई वडिलांच्या कष्टाचे चीज झाले. कर्जत तालुक्यातील सुपा रहिवासी असलेल्या अंकुशराव मोटे यांची घरची परिस्थिती अत्यंत हालाखीची. घरी थोडीफार शेती असताना दुष्काळी परिस्थितीमुळे पुर्णपणे बेभरवशाची असायची अशा परिस्थिती मध्ये मिळेल ते काम करून मोल मजुरी करून प्रपंच चालवला.

एक अशिक्षित घर म्हणून मोटे कुटुंबाकडे पाहिले जायचे. तीन मुली आणि एक मुलगा असे चौघेजण लहान पणापासून अभ्यासात हुशार असल्याने अंकुशराव मोटे आणि त्यांची पत्नी सौ कमलबाई मोटे यांनी मुलांच्या शिक्षणासाठी मोलमजुरी करून परिस्थितीवर मात करत उच्च शिक्षित केले. मुलांनी देखील आई वडिलांच्या कष्टाचे चीज करत चौघेही पोलीस दलात भरती झाले. यातील सोनाली मोटे या २०१२ साली पोलिस दलात भरती होऊन पुणे ग्रामीण पोलीस दलात काम करत आहेत.

रुपाली मोटे आणि रोहिणी मोटे या २०१७ साली एकाच वेळी पोलिस दलात भरती होऊन रुपाली मोटे या अहमदनगर पोलीस दलात तर रोहिणी मोटे या मुंबई शहर पोलिस दलात काम करत असतानाच नुकत्याच झालेल्या पोलिस भरतीमध्ये त्यांचा सर्वात लहान भाऊ ज्ञानेश्वर मोटे हा पुणे ग्रामीण पोलीस दलात भरती झाला. चौघे बहिण भाऊ पोलिस दलात भरती झाल्याने गावामध्ये या कुटुंबाची वेगळी ओळख निर्माण झाली असून मुलांच्या या यशामुळे आई वडिलांची मान उंचावली आहे.

आणखी महत्वाच्या बातम्या

आणखी वाचा

नगरमध्ये ग्राम महसुल अधिकारी लाचलुचपतच्या जाळ्यात

  अहिल्यानगर/प्रतिनिधी : पारनेर तालुक्यातील वाडेगव्हाण (ता. नगर) येथील ग्राम महसुल अधिकारी दिपक साठे यास लाचलुचपत...

आता मराठ्यांचं वादळं दिल्लीत धडकणार, जरांगे पाटलांची थेट घोषणा, समोर आलं मोठं कारण

नगर सह्याद्री वेब टीम - मराठा समाजाला आरक्षण मिळावं यासाठी मराठा आरक्षण आंदोलक मनोज...

प्रवाशांनो लक्ष द्या! आता बीडहून अहिल्यानगरकडे रेल्वेगाडी धावणार; कुणाच्या हस्ते झाले उदघाटन?

अहिल्यानगर । नगर सहयाद्री:- अनेक दशकांपासून बीडवासीयांचे स्वप्न असलेली रेल्वे अखेर वास्तवात उतरली आहे....

आमदारांची ॲक्शन, पोलिसांची रिॲक्शन; रस्त्यावर गोमांस फेकणाऱ्या आरोपीला सहा तासात बेड्या

अहिल्यानगर | नगर सह्याद्री शहरातील कोठला भागात मंगळवारी सायंकाळी रस्त्यावर गोमांस टाकल्याचे निदर्शनास आल्यावर...