पाथर्डी / नगर सह्याद्री –
चोरीच्या उद्देशाने गाव वस्तीवर आलेल्या दरोडेखोरांनी वृद्धाला बेदम मारहाण केली. यात ८० वर्षीय वृद्धाचा मृत्यू झाला. सदरची घटना पाथर्डी तालुक्यातील तिसगाव येथील भडके वस्तीवर घडली.
पाथर्डी तालुक्यातील भडके वस्तीवर रात्रीच्या सुमारास सात ते आठ दरोडेखोरांनी धुमाकूळ घातला. दरोडेखोरांनी वस्तीवरील आजूबाजूच्या घराच्या बाहेरून कड्या लावल्या. यानंतर मच्छिंद्र ससाने यांच्या गोठ्यातील कोंबड्या आणि बोकड चोरून नेण्याचा प्रयत्न केला. यावेळी घरात झोपलेले ससाणे हे त्यांना विरोध करत असताना दरोडेखोरांनी ससाणे हात, डोक्यावर तिक्ष्ण हत्याराने वार करत जखमी केले. घडलेल्या घटनेनंतर मच्छिंद्र ससाने यांना उपचारासाठी अहमदनगरच्या खाजगी रुग्णालयात दाखल केले असता उपचारादरम्यान त्यांचा मृत्यू झाला आहे.
