Attack on mla car: राज्यात पुन्हा वातावरण तापलं आहे. एकीकडे भाजप नेते निलेश राणे यांच्या ताफ्यावर दगडफेक करण्यात आली तर दुसरीकडे काँग्रेसच्या एका आमदाराची गाडी फोडण्यात आली आहे. या घटनेने
एकच खळबळ उडाली आहे.
राज्यात मराठा आरक्षणाच्या मुद्द्यावरून पुन्हा एकदा वातावरण तापलं आहे. ज्यांच्या कुणबी नोंदी सापडल्या आहेत त्यांना ओबीसी प्रमाणपत्र देणे व त्यांच्यासाठी सगे-सोयरे कायदा अंमलबजावणी करावीच लागेल, त्याशिवाय उपोषण मागे घेतले जाणार नाही. जर दिलेले शब्द पाळले नाही तर २० तारखेनंतर आंदोलनाची दिशा बदलेल, मराठा मराठ्यांचे बघतील असा इशाराही मनोज जरांगे पाटील यांनी दिला आहे.
त्यातच राज्यात मराठा आरक्षणासाठी आक्रमक भूमिका घेतलेल्याचे समोर येत आहे. मराठा आंदोलकांनी नांदेड तालुक्यातील पिंपळगाव निमजी या भागात शुक्रवारी रात्री उशिरा काँग्रेस आमदार मोहन हंबर्डे यांची कार फोडली. आमदार हे पिंपळगाव निमजी गावात किर्तनाच्या कार्यक्रमासाठी आले होते. या घटनेने पुन्हा खळबळ उडाली आहे.
