बीड । नगर सहयाद्री
बीड जिल्ह्यातील एका खाजगी कोचिंग क्लासमध्ये १७ वर्षीय अल्पवयीन मुलीवर झालेल्या लैंगिक छळ आणि छेडछाडाच्या प्रकरणामुळे जिल्ह्यात मोठी खळबळ उडाली आहे. या प्रकरणातील आरोपी शिक्षक विजय पवार आणि प्रशांत खाटोकर यांच्याविरोधात पोस्को कायद्यान्वये बीड येथील शिवाजीनगर पोलीस ठाण्यात गुन्हा दाखल करण्यात आला आहे.
या घटनेच्या विरोधात बीडमध्ये आज बंदची हाक देण्यात आली होती, पण आरोपी शिक्षकांना अटक झाल्यामुळे बंद तात्पुरता स्थगित करण्यात आला आहे. बीड न्यायालयाने दोन्ही आरोपींना दोन दिवसांची पोलीस कोठडी सुनावली आहे. या प्रकरणावरून माजी मंत्री धनंजय मुंडे यांनी आरोपी विजय पवार हा आमदार संदीप क्षीरसागर यांचा “राईट हॅन्ड” असल्याचा गंभीर आरोप त्यांनी केला.
पंकजा मुंडे म्हणाल्या, “एका अल्पवयीन मुलीवर जर अत्याचार होत असेल तर माझी प्रचंड संतप्त भूमिका आहे. मी या प्रकरणाची सविस्तर चौकशी करण्यासाठी बीडच्या एसपींशी चर्चा केली आहे. मुलीच्या पालकांशीही संपर्क साधला आहे. जिल्ह्यात अशा इतर केसेस असल्यास त्यांचा देखील शोध घेऊन संपूर्ण तपास करावा, अशी मागणी त्यांनी केली आहे. या घटनेमुळे बीडमध्ये खळबळ उडालीआहे.
