निघोज । नगर सहयाद्री:-
निघोज गावातील एका २४ वर्षांच्या तरूणाचा मृतदेह सोमवार दि. २४ रोजी शिर्डी लगत असणाऱ्या सावळीविहीर गावात आढळून आला आहे.वैभव उर्फ सोनु धाकराव असे तरूणाचे नाव आहे. या घटनेबाबत शिर्डी पोलीस ठाण्यात रात्री उशिरापयरत गुन्हा दाखल करण्याचे काम सुरू होते.
निघोज गावातील वैभव उर्फ सोनु धाकराव घरातून बेपत्ता असल्याची तक्रार पोलीस ठाण्यात कटुबीयांनी दिली होती. दरमायन, सावळीविहीर गावात नाशिककडे जाणार्‍या रोड लगत असणार्‍या दगडी खाणीत सोमवार दि. २४ रोजी एका २४ वर्षांच्या तरूणाचा मृतदेह आढळला. पोलीस निरीक्षक रणजित गंलाडे व पोलीस पथकाने घटनेनंतर सबंधित मृतदेहाची ओळख पटवली.
शिर्डी अग्निशमन पथक व शिर्डी पोलीस यांनी अथक प्रयत्न करून सोमवारी मयत झालेल्या तरूणाचा मृतदेह पाण्यातून बाहेर काढला. त्या तरूणाला पत्नी व दोन वर्षे वयाचा मुलगा आहे. याअगोदर देखील याच खाणीत एका महिलेचा मृतदेह सापडला होता. त्यामुळे या ठिकाणी असे प्रकार वारंवार घडत असून या ठिकाणी संरक्षण भिंत बांधण्यात यावी अशी स्थानिक नागरिकांची मागणी आहे.
