अहिल्यानगर | नगर सह्याद्री
शहरातील एका चार्टर्ड अकाउंटंटच्या सही व शिक्क्यांचा वापर करून बनावट प्रमाणपत्र तयार करून १६ लाख ८१ हजार २९९ रुपये लाटल्याची घटना उघडकीस आली आहे. ३१ मार्च २०२१ ते ३१ मार्च २०२३ या काळात ही घटना घडली आहे. या प्रकरणी चार्टर्ड अकाउंटंट देवेंद्र आण्णासाहेब पाटील (वय ३०, रा. प्लॅट नंबर ४६ ओम शांती, नंदनवन कॉलनी, गुलमोहर रोड, सावेडी) यांनी दिलेल्या फिर्यादीवरून कोतवाली पोलिस ठाण्यात गुन्हा दाखल करण्यात आला आहे.
टॅस कन्सल्टंट सचिन आप्पासाहेब दुधाडे (वय २९, रा. महेश्वरी पार्क भिस्तबाग चौक, पाईपलाईन रोड) असे गुन्हा दाखल झालेल्या व्यक्तीचे नाव आहे. चार्टर्ड अकाउंटंट देवेंद्र पाटील यांचा डी.ए.पाटील अ‍ॅण्ड असोसिएट या नावाने चाणय चौक, साई सोना पॅरेडाईज, बुरुडगाव रोड येथे व्यवसाय आहे.
दुधाडे याने त्यांच्या नावाचा, सही व शियांचा वापर करुन बनावट प्रमाणपत्र तयार करून राजेश बाळासाहेब भोसले, तसेच किशोर बाळासाहेब पाटील यांचे इनकम टॅस, जीएसटी बिलाचा परतावा भरण्यासाठी त्यांच्याकडून ३१ मार्च २०२१ ते ३१ मार्च २०२३ या कालावधीत वेळोवेळी १६ लाख ८१ हजार २९९ रुपये चेकद्वारे घेतले. सदरचे चेक हे त्याच्या बैंक ऑफ बडोदा बँकेतील एस.डी. असोसिएट या खात्यात वटवून सदर रक्कम वैयक्तीक कारणासाठी वापरली. त्याने आणखी काही जणांना बनावट प्रमाणपत्र बनवून दिले असल्याची शंका असल्याचे फिर्यादीत म्हटले आहे. अधिक तपास पोहेकॉ डाके करत आहेत.
