अहिल्यानगर । नगर सहयाद्री:-
येथील मुख्य पोस्ट ऑफिसमध्ये कर्मचारी संदीप निवृत्ती मिसाळ (वय ३५, रा. तपोवन रोड, साईनगर) यांना अज्ञात व्यक्तीने मारहाण करून धमकी दिल्याची घटना घडली. या प्रकरणी कोतवाली पोलीस ठाण्यात गुन्हा दाखल झाला आहे. फिर्यादीनुसार, २७ जून २०२५ रोजी दुपारी अडीच वाजेच्या सुमारास खिडकी क्रमांक २ येथे ही घटना घडली.
संदीप मिसाळ हे पोस्ट ऑफिसमध्ये लार्क म्हणून कार्यरत असताना, बदामी रंगाचा पट्टेदार शर्ट आणि काळी पँट घातलेला अंदाजे ४० वरर्षांचा अज्ञात व्यक्ती तिथे आला. त्याने तुम्ही माझे पैसे खाल्ले असा आरोप करत मिसाळ यांची कॉलर पकडली, लाथाबुक्क्यांनी मारहाण केली, शिवीगाळ केली आणि तुला बघून घेतो अशी धमकी दिली.
यामुळे सरकारी कामात अडथळा निर्माण झाला आणि परिसरात दहशत पसरली. या घटनेनंतर मिसाळ यांनी कोतवाली पोलीस ठाण्यात तक्रार नोंदवली. पुढील तपास पोहेका मिना शेख करत आहेत.
