अहमदनगर । नगर सहयाद्री:-
भारतीय जनता पक्षाचे ज्येष्ठ नेते आणि माजी मंत्री मधुकरराव पिचड यांची प्रकृती अत्यवस्थ आहे. पहाटेच्या सुमारास पिचड यांना ब्रेन स्ट्रोक आल्याची माहिती आहे. अहमदनगर जिल्ह्यातील राजूर येथील राहत्या घरी ८३ वर्षीय पिचड यांना ब्रेन स्ट्रोक आला. त्यानंतर नाशिकच्या ९ पल्स रुग्णालयात त्यांना दाखल करण्यात आले आहे. सध्या पिचड कुटुंबीय त्यांच्यासोबत आहेत.
पाच वर्षांपूर्वी विधानसभा निवडणुकांच्या तोंडावर मधुकर पिचड यांनी सुपुत्र वैभव पिचड यांच्यासह राष्ट्रवादी काँग्रेसची साथ सोडून भारतीय जनता पक्षात प्रवेश केला होता. मात्र काहीच दिवसांपूर्वी त्यांनी शरद पवार यांच्याशी गाठीभेटी वाढवल्याने ते पुन्हा पवारांच्या राष्ट्रवादीत येण्याच्या चर्चांना उधाण आले होते.
