अहिल्यानगर । नगर सहयाद्री:-
|प्रवरा नदीपात्रात मामा व भाच्याचा पाण्यात बुडून मृत्यू झाला. त्यामुळे परीसरात हळहळ व्यक्त केली जात आहे. किरण सुरेश देठे (वय 28 रा.पाचेगाव ता. नेवासा) व त्यांचा भाचा अनुज प्रवीण भालेराव (वय 10 रा. खोसपुरी ता नगर) असे बुडून मृत्यू झालेल्या मामा भाच्याचे नाव आहे. एकुलता एक मुलगा बुडून मृत्यू पावल्याने घटनास्थळी आई वडिलांनी मोठा हंबरडा फोडला.
अंघोळीसाठी गेलेल्या मामा भाचे यांचा प्रवरा नदीतील पाण्यात बुडून मृत्यू झाल्याची घटना पाचेगाव ता.नेवासा येथे गुरुवारी दि.21 नोव्हेंबर रोजी दुपारी दीडच्या वाजेच्या सुमारास घडली आहे.अनुज भालेराव हा नुकताच आपल्या आई वडीलासोबत मामाच्या गावाला दिवाळी सणासाठी आलेला होता.
एकुलता एक मुलगा बुडून मृत्यू पावल्याने घटनास्थळी आई वडिलांनी मोठा हंबरडा फोडला.स्थानिक युवकांनी दोन्ही मृतदेह नदीपात्रातुच्या पाण्यातुन बाहेर काढले. मृतदेह उच्चस्तरीय तपासणीसाठी नेवासा ग्रामीण रुग्णालयात नेण्यात आले आहे. याप्रकरणी नेवासा पोलीस ठाण्याला माहिती कळविण्यात आली आहे.
